利寶閣 (已結業)

放假最鍾意同屋企人飲茶，尖沙咀區有任食點心，聽聞質素都唔錯，而且利寶閣飲茶一向都水準不錯。今日同家人一齊食任食，類型乜都有。叫咗蝦腸、帶子腸粉，味道唔錯，都幾熱。炸鯪魚球，細細粒，幾香脆。炸物叫咗叉燒酥，個皮有點厚，但係都尚算香脆，入邊幾多餡。春卷好脆，入邊係有蝦，呢個幾好食。芋頭酥好似蜂巢咁，幾香脆。叫咗排骨，肥瘦適中，一人份量都幾多。仲叫咗XO醬腸粉，煎腸粉個味唔錯，細細碟。貢菜辣辣地，細細碟幾爽口。甜品仲有雪糕下邊仲有啲紅豆。