校長燒肉日韓料理 (已搬遷) 新店位置

上個weekend 同朋友去元朗搵食，路過行過見到有燒肉食，我地兩個食肉瘦一於唔好錯過，又去試下先。我地見到有得加錢任食生蠔同松葉蟹腳，我地又唔執輸，照跟。我地第一round食左d豬腩片呀，bbq常見嘅牛排豬排，之後先見到原來有靚嘅雪花牛排食，於是又再去拎左輪。我同朋友都覺得肉食味道幾好，尤其d 靚雪花牛。另外蝦同豬頸肉都好食。仲有錫紙蒜蓉牛油粟米，呢個無影但好正！食左d肉就去拎刺身呀、生蠔呀、蟹腳咁。刺身好大件，而且無渣。生蠔都幾漲，幾甜，見佢係度即看，好新鮮。蟹腳就一早熟左，所以有少少黃，但肉都好甜。兩個都食到好飽。返食指數: 3.8 (5係滿分)。款式好多，如果大食王黎食，好抵！又如果生日黎有7折，同行朋友有8折，咁會仲抵！最衰無做功課，下次搵埋生日朋友食先。