校長燒肉日韓料理 (已搬遷) 新店位置

本人都是做日本餐壽司24年的，昨晚我女兒想食燒肉，然後我帶女兒上這食，食食下我女兒想食刺身，我便幫我女兒去拿，我跟那個女師傅講要三文魚，她問我要不要別的刺身，我講不要（因為質量太差，全急凍貨，吞拿魚是假吞拿魚），我只要三文魚，我跟她講想要三文魚腩（很禮貌的）她然後拿三文魚背跟我講這個是三文魚腩，當時我忍了拿走，轉頭我女兒想再食三文魚，我便再去拿，今次她剛剛好拿三文魚腩出來，我問她這些就是三文魚中腩，她跟我講這個是三文魚背，我跟她講我做了這行2幾年妳當我傻吖，講真要不要我教妳怎樣分吖小朋友，我做妳師傅都得吖，不要當客人係傻的，做人要有良心，是那樣就是那樣，不要影衰日本師傅既專業，不夠料就不要上台

中秋節臨近，我開始展開慶祝活動，第一擊先到大橋街市觀賞花燈，感受節日氣氛。第二擊到「校長燒肉日韓料理」大快朶頤預祝佳節，踏入店鋪梯間的裝置是店鋪特色，其他分店也有此裝置，很青春氣息。我們選擇燒烤午餐$118一位，11:00剛開始的時段，人客尚稀少很方便拍攝，琳瑯滿目的美食令我首先大飽眼福，再來手機食先，接著我不客氣了！挑選心儀肉類讓它們慢慢地烤著，我們先嘗炸物、壽司、熱呼呼蒸籠點心、熟食、小食。同時也泡定一壼花茶解膩。已經調味的烤肉不鹹，因此沒有蓋過肉味，很適合我的要求，如果喜歡濃郁口味，還有專櫃檯提供多款醬油味料，真的濃淡兩相宜，任君選擇。除了烤肉我還喜歡烤多春魚，魚仔雖細少，不腥、肉質細膩，很美味。我會將翠玉瓜、粟米放在烤爐邊慢烤，同時讓烤肉的汁慢慢流向瓜類和粟米，讓它們吸收，吃到蔬果清甜還有肉汁的鮮美。到最甜美的時刻就是甜品，蜜蜂柚子蒟蒻、椰汁大菜糕、杏仁奶凍、橙玉藍莓果凍、椰汁水晶粉、黑糖水晶粉、啫喱、香芋木瓜、好立克伯爵奶茶、果凍......由於小杯，我都盡嘗了！蒟蒻和水晶粉製作的甜品，口感爽滑，加入不同果汁即成，甜度大致可分微甜、甜中帶輕微果酸和清甜。很滿足的一頓BBQ午餐

昨日係天水圍過來元朗，在OP見找這間燒烤，於是找電話想預約先，舖頭的電話某人接聽，試打多次後打唔通，打舖頭手機亦無人接聽。直接去到現場(11:30)話要(13:45)先有位，睇來要食要靠運氣。

個人推介指數 7分 （10分為滿分) - 好久好久沒有外出大吃一頓了, 終於有機會一嚐心願, 和家人一同享受自助料理的快樂.這所燒肉店往日非常受歡迎, 如沒訂座, 基本上WALK-IN 是沒希望. 食物款式非常多, 除了主打的烤肉外, 還有本人最愛的壽司刺身, 沙拉, 炸物, 中式料理 (熱食), 甜品, 花茶, 還有小火鍋, 說之不盡, 保証有食物配合到你口味. 小女孩知道可以再去食自功餐, 整個人開心到彈起, 其實開心到彈起可止小女孩, 大男人也一樣相當期待. 美食我們來了. 先來看看壽司吧, 種類不是非常多但足夠, 基本應該有的也齊全. 旁邊就是刺身吧, 有帶子, 三文魚,, 吞合魚和很美味的巨大紅蝦. 食材很新鮮, 吞吞美味海鮮的感覺終於回來了.個人推介刺身, 真有酒店級的水準, 壽司飯就略為綿了一點, 但也可接受. 基本上吃掉以上兩樣也回了一半本了. 再來就是主打燒物, 種類多不勝數, 真的有點花多眼亂.還有小小提示, 雖然拿食物的通道也很闊, 但食客可真不少, 大家要小心禮讓. 食材如圖所見, 品質也萛不錯, 加上不同的醬料, 燒到焦香, 非常惹味. 鑑於讓食客食得放心,

疫情終於稍微緩和，今天就破例一次到外吃飯，充一充電。今天就到了校長燒肉，一於不醉無歸。價錢相當便宜，黃金時段也只是$198加一就能吃盡日式韓式料理，滿足所有願望。進入餐廳便看到這一比一iron man，還有多款marvel佈置，別出心裁。除了進店前探熱外，餐廳還為每張餐桌加設圍板，令食客吃得份外安心放心。一開始實在太肚餓，馬上向壽司區拔足狂奔，壽司款式不少，師傅也不斷在背後默默製作，保持壽司供應。個人最愛火焰三文魚，加上沙律醬再用火槍燒過，味道甘香又juicy。刺身櫃也不斷向我招手，款式足夠，除了三文魚吞拿魚外，更有帶子赤蝦玉子，款款新鮮即叫即切，十分滿足。由於太肚餓，先在熟食區下手，炸物種類非常多，而且都定時更換，保持香脆。炸蝦非常出色，沾上沙律醬後味道更能昇華，新鮮炸得香脆可口。肉的種類實在多得目不暇給，一邊燒肉用，一邊火鍋用，每款都乾淨企埋保存好，相當衛生。用油紙隔著燒，方便隨時更換又降低燒焦風險。雞軟骨容易烹調之餘，又燒多爽口香脆，加上燒肉汁味道更能突顯。好快已經急不及待加添火鍋。先自由選擇湯底，再挑選火鍋配料。燒肉火鍋同時進行實在太完美，邊留意燒肉進度同時，又可以嚐嚐火鍋配料

元朗想食燒肉選擇其實唔多，一想CP值高，二又想多選擇，香港地租金貴，人工高，通常這兩種開支已佔店舖６到成開支，仲有幾多可以落在成本及利潤可想而知。校長燒肉應該可以入圍，由於經常爆滿，食客來前請緊記預先訂座，訂座後差不多到時間，會在門外排隊，逐一進內，當天記憶下大雨，由於早到了想入內避雨，可惜被一名美女侍應拒於開外，非常狼狽。場內一個價錢任食，加錢會有專人幫你換防燒焦的油紙托底燒，食物種多樣，而且仲有睇得出人手製的粟米及金菇小錫紙兜，飲料不是清一色大路汽水，有顧及老人家的罐裝茶！每張燒肉桌都很大，坐得舒適，而且抽風系統尚算不差，場內未有感覺煙霧迷漫，整體感覺滿意！

去開元朗，突然想食放題，就問朋友有咩好推介，朋友話之前食過呢間唔錯，咁就一於去試試。去到見到仲有買一送一優惠，一入到去就有卡位坐，地方幾大，環境舒適，不得不讚這裡的員工，服務態度非常好，細心講解優惠，出去拎野食時會主動幫客人拎回坐位㖭牛肩肉海鮮拼盤串燒（有雞丶牛）蝦新鮮，幾爽甜鮑魚夾口彈牙蜆好新鮮，鮮甜有海水味其中一款熟食，豉椒炒蜆，另外有白切雞丶蒸倉魚丶豆角炒肉碎丶蒸肉餅等重點係有Haagen Dazs雪糕

肉調味勁鹹，勁難食，調味料好似唔使錢咁，一口牛好似d剩肉咁，又多油又難燒三文魚睇落好唔新鮮，其他刺身麻麻地🙊🙊🙊食物選擇好少，熟食薯條又放勁多鹽，🤔🤔🤔不成比例地放鹽食物又蒼蠅小學生未夠10歲當大人咁計錢💰🙃😑😑😑😑唯有擺得落口係d無咩味的甜品，同罐野飲🤣🤣🤣完全唔知點解咁受歡迎請我食都唔會再黎，超級難食！！！！！！！！！！！！！！！！！！！！！！！！！！！！！！

元朗出名多好嘢食，行開元朗朋友仔突然話想食燒烤，就試吓呢一間校長燒肉日韓料理入面嘅款式有幾十款咁多，而且校長超細心，可以比客人加牛油紙只加$7，食物真係比較難燒焦黑椒牛柳粒本身鍾意食牛嘅我，試黑椒牛柳粒腍軟，7成熟剛剛好，入口即溶，加上餐廳秘製嘅醬油完美配搭羊扒推介就係羊扒，本身好怕羶味嘅我，出乎意料地覺得好味，好軟滑而且一啲都唔覺得羶雞腎好爽，一啲都唔硬易入口椰汁雪燕食完肉類係時候食返少少甜品，椰汁雪燕入邊有少少燕窩粒，椰汁味濃，又唔太甜，女仔飯後甜品不錯選擇

這一天有個朋友生日，所以就提議到呢一間傳聞中好抵食又好味嘅校長燒烤，行到附近已經聞到他香噴噴的燒烤味了，12點左右已經要等位，那日天氣都很熱，好彩只係門口等左20分鐘左右，一進到去就坐到一個好靚的位置，可以望到門口，跟住我們就開始出去攞東西入來燒烤了大大件的牛扒，大大件的豬肉，又有大大件的雞肉，看到都好開心😃很窩心的有燒烤紙，不過要幾蚊一張，但係方便唔會燒窿食物，燒到10分鐘左右已經香到不得了，食落口真係好好味，鹹味調到一流，一咬落去啲肉汁流晒出嚟壽司也很多款選擇，源源不絕的生肉真是看到都好開心，又有魚扒，雞腎食好多，因為這個真的調味好好味好好味的千島醬，芝麻醬，同埋秘製嘅辣醬，用來點肉就非常惹味的價目表非常清晰

又有一排無去元朗, 今次入去搵媽咪, 所以想同佢食餐好既, 依間野好似係讀書時已經存在, 今次經過見到又幾抵食咁, 所以就決定一試。我地選左最晚時段, 所以特別平, 以為咁夜入場會無咩野食, 點知仲不停補緊野食, 而且人客都keep住入場, 見黎得既都係拖鞋Hea衫, 應該都係街坊, 證明係常客, 應該真係好食。一開始會問我地要唔要要加錢加牛油紙鋪底, 可以吸油同無咁易燶, 決定食得健康, 所以要左。野食既種類十分多, 因為太餓, 於是飲左碗湯先, 好淡既湯, 但味道材料足, 證明無加咩味精, 再黎叫左壽司同刺身, 單次份量都唔小, 看起來亦新鮮。開始燒肉啦! 不得不提個金莎骨好好食, 仲有秘制叉燒都係必試!!! 好軟熟, 好香。一碟又一碟既肉食到飽, 蔬菜款式亦多, 最後仲食埋甜品, 款式太多, 又好飽, 只拎左其中一小部份, 個人最中意食木瓜布丁, 一口氣食左3個, 最後好滿足咁番屋企! 媽咪都話好抵食, 又可以坐得耐, 食左成2個鍾, 真係好抵。

處女食評竟然俾咗呢間燒肉自問平時食燒肉都多啦，以前都黎呢間食過學生優惠燒肉，覺得不過不失咁openrice見到呢間有晚市優惠券，好啦我買。但最後發現原來同正價係一樣嘅，個分別在於冇加一。條款冇寫要前一晚book，我哋去到員工話冇得食，要提前一日book，我哋問原因，員工冇解釋到，淨係問我哋「咁你地食唔食」，咁惟有下次再食啦，所以諗住買呢間優惠券嘅朋友們要留意下。作為燒肉黎講，宵夜時段（2130-2330）嘅選擇都算唔少，有好多唔同嘅肉類，小至五花肉大到牛扒都任君選擇。海鮮都算新鮮，我就鍾意帆立貝同有餘，雖然魷魚肉質有啲老，燒完都苦苦地。肉類都應該新鮮嘅（雖然我食唔出），但頗啱食肉獸去大快朵頤，好夠肉香，不過就超級油膩，每一塊肉都係，食完唔做返啲運動就等住肥啦嘻嘻😜炸物都唔錯的，不過就唔係熱辣辣新鮮上桌，會攤凍咗～甜品方面，有啲例牌啫哩同奶凍，另外會有泡芙仔同雀巢雪糕。嘢飲選擇都唔太多，普普通通。仲有一個，佢哋啲燒烤紙要加7蚊一位，加唔加見仁見智啦，不過塊板真係超級易窿，好在員工都肯即刻換，加咗燒烤紙記得換多啲，唔好食啲致癌物落肚呀。總而言之呢間嘅質素拎黎填飽個肚就最好了，唔好有咩太多期

今日放工有點累，想好好吃一餐，所以就同同事黎左校長燒肉吃一頓好的。校長燒肉日韓料理顧名思義就係燒肉主打，配搭上其他日韓美食，除此之外還有好多熟食。日式方面，首先有刺身，刺身種類都不少，有三文魚、螺片、玉子、蟹棒、生蝦等。刺身新鮮。除了刺身外，仲會有不同的壽司。熟食方面，有章魚小丸子和蝦球，還有炒麵、菜、湯等。不過因為想吃多點燒物類，所以沒有吃太多熟食。這裏的食物種類真的比其他地方多好多！海鮮有元貝同鮮蝦。元貝粒係已經幫你剝咗殼，所以燒起上嚟好方便。蝦好大隻！肉類方面都有好多選擇，最欣賞的是金菇肥牛卷，好入味。然後牛類方面，牛五花油脂分佈平均，燒大概2分鐘就可以食，入口即溶，真的令人欲罷不能。還有難得有提供雞軟骨很入味。蔬菜類方面有金菇、韭菜、翠玉瓜、三色椒，還有小番薯和菠蘿。菠蘿鮮甜多汁，在食完肉類之後食件菠蘿，真的可以消消油膩感。最後因為吃得太飽，所以都沒有食甜品，但係其實甜品櫃都提供左好幾款甜品，下次來一定要再試下!最後大家都吃得很飽，真是一個放工一聚的好地點！

早兩日同朋友係元朗做完野，之後就緊係係元朗食埋飯先，我地黎到校長燒肉日韓料理，依到有好多野食，首先，我地先去拎些肉黎燒，穀飼牛肋眼心條，穀飼牛仔骨，腸仔，依個先係第一輪，d牛好嫩同多汁，好新鮮，口感一流，我同朋友食完又去再拎，而且大細剛好！之後，我們緊係繼續拎野食，今次就到金菇，帆立貝，秋葵，壽司，南瓜，泡菜，菠蘿，枝豆，茄子，餃子，當中既食物好新鮮，無論係肉或是菜，都好吸引，因為再加上自助形式，想食幾多夾幾多，同拎野食既位置適中，唔會行好遠，所以，我們來來回回都夾左好幾次，重有飲品都任飲，最窩心係有熱飲同凍飲，岩哂我同朋友，當然重有女士最愛甜品，我地每人拎左雪條同雪糕食，講到甜品，女仔係有另一個胃架！最後，我地食到捧住個肚反屋企，大滿足呢！

今日約左d中同黎校長燒肉食燒肉放題，果然無令我地失望，食到個個都捧住肚走人。黎到校長日韓燒肉，除左燒肉之外都仲有好多好野食！首先最吸引我地當然係刺身bar，刺身種類都有幾款選擇，今晚就有三文魚、玉子、蟹棒等。我最鍾意食三文魚，所以攞左幾次呢！除左刺身之外都有一d壽司比大家簡。refill速度都好快！除此之外仲有沙律同前菜比你自己選擇，熟食方面有炸物、湯同埋炒麵類，多元選擇！至於燒烤方面，今晚海鮮有元貝同鮮蝦，元貝好細心地已經剝殼，唔洗阻住好多位。蔬菜類有金菇、鮮冬菇、韭菜、三色椒、番薯仔、菠蘿等等。燒菠蘿好甜多汁，真係令人一食再食。肉類方面、豬牛雞羊都有好多款，我覺得最好味係牛五花，因為燒一燒就食得，配上醬汁超入味！另外呢到有提供雞軟骨，第一次自己燒雞軟骨，加d蒜蓉落去食真係好香口！其他肉類試左唔係好多，因為真係太多款啦！食到超飽！最後食埋甜品，有雪條、泡芙、椰汁官燕，好正！下次都會再約黎呢到食晚飯！