菲律賓會 - 無國界食點 (已結業)

星期日有個朋友要走,咁我地成班10個人想燒野食又唔想去咁遠所以梨左呢度燒烤,今次係第3次梨啦,呢度有夾燒同用叉燒兩種,用叉要每人加$20,即係成$158位,包3小時,同埋開1個爐要成$28,比上次去1個人$138仲貴左啊,不過佢地啤酒同氣水就任飲,所以我地隊左好多啤酒,如果加鐘就要每人加$20,食物方面都O.K.既, 最好味係豬頸肉,油魚同蒜蓉包,另外牛排,豬比都唔錯,仲有芝士腸,紅腸,腸仔,珍寶腸,秋刀魚,粟米,獅子狗,魚旦,燒賣,雞腿,雞翼,墨魚丸,冬菇,番薯,雞排等等,不過如果去就SUGGEST大家一定要帶醬料囉,因為果度只供應鼓油,茄汁同好欺既HONEY咋...