德家日式燒肉店 (已結業)

平時都有去開啲任食嘅餐廳 銅鑼灣同尖沙咀嘅消費比較高 所以我好多時候都係去旺角嘅 今次去呢間飲食餐廳真係值得一講 啲牛肉質素拍得住貴餐廳 肥瘦分明 都幾似人哋食嗰啲貴價和牛 所以我翻叫咗好多次 食完又食好似唔知飽咁 Encore左勁多次其實都食到翻咗本 其他嗰啲食物好似海鮮類我都滿意嘅 因為洗得都幾乾淨而且幾新鮮 尤其係海蝦我比較鍾意 體型都幾大隻 食落口都幾鮮甜多肉 飲品選擇雖然唔夠多 不過任飲嘅是但啦 雪糕選擇都唔多 得雀巢係任食嘅 不過每位有另外送一款貴嘅雪糕 貴雪糕得一杯咋每人