傑星冰廳

營業中

休息中

今日過嚟深水埗買嘢 ，到午飯時間搵間茶餐廳食午飯，深水埗嘅茶餐廳好多， 最後揀咗傑星冰室， 餐廳環境舒服乾淨， 食物嘅價錢仲好親民， 店員好nice笑容滿面令人舒服。我哋叫咗明星撈麵， 蕃茄蝦仁牛肉蛋蓋飯同淨雲吞。明星撈麵： 配料同醬汁可以任意配搭，配料可揀兩款添，朋友揀咗牛肉同瑞士雞髀， 瑞士雞髀大大隻好入味又唔會過鹹， 面底嘅沙爹汁 香濃惹味。蕃茄蝦仁牛肉蓋飯： 飯粒鬆軟甘香， 蝦仁同牛肉嘅份量都唔小， 蓋飯上面嘅蛋， 廚師掌握時間啱啱好 嫩滑美味。淨雲吞： 鮮蝦雲吞 好足了入面嘅 鮮蝦大大隻， 仲有 好新鮮嘅菜心做配菜。餐廳仲有得任食生果， 生果有鮮橙，火龍果，哈密瓜， 啱曬鍾意食生果嘅我。