影片
更多
2024-06-16
1484 瀏覽
之前去過中環The Murray美利酒店呢個打卡勝地影下相📸一直都想試吓呢度嘅餐廳，今次終於有機會😛Garden Lounge而家推出性價比超高嘅半自助晚餐，除咗中西式主菜，3.5小時可以任食生蠔、龍蝦、蟹腳等凍海鮮、燒烤、熱葷、冷盤、甜品、雪糕，選擇極豐富，媲美自助餐🥰當中凍海鮮以及中式燒烤質素都幾高，好快就回到本🤑半自助晚餐原價$798，而家係18／6前於openrice訂座並預付，可享買一送一配任飲美酒優惠，包埋服務費，只需$575.3一位，比原價平50%🙀痴線呢個價錢食到咁多高質美食，超級抵🤑🤑可訂座時段去到30／6，記得預早book，因為weekday都好爆場🔥🦪生蠔、冰鎮海鮮、刺身普遍質素都唔錯👍🏻生蠔冇寫產地，但係有海水味，質感較爽，夠新鮮😋海鮮有細細隻嘅龍蝦，肉質都幾鮮甜，有唔少膏😋蟹腳海水味突出，都值得食👏🏻另外仲有螯蝦、蜆、超大隻嘅翡翠螺、蝦、彈牙嘅冰鎮鮑魚等。刺身有3款。🧀火腿、芝士、麵包、沙律有3款火腿、4款芝士，都係高質貨式👍🏻可以配麵包、餅乾、番茄乾等配料。芝士有軟滑嘅brie cheese、富奶香嘅Gruyere cheese，都係其他地方少見😎🍖烤肉、中
半自助晚餐原價$798，而家係18／6前於openrice訂座並預付，可享買一送一配任飲美酒優惠，包埋服務費，只需$575.3一位，比原價平50%🙀痴線呢個價錢食到咁多高質美食，超級抵🤑🤑可訂座時段去到30／6，記得預早book，因為weekday都好爆場🔥
🦪生蠔、冰鎮海鮮、刺身
普遍質素都唔錯👍🏻生蠔冇寫產地，但係有海水味，質感較爽，夠新鮮😋海鮮有細細隻嘅龍蝦，肉質都幾鮮甜，有唔少膏😋蟹腳海水味突出，都值得食👏🏻另外仲有螯蝦、蜆、超大隻嘅翡翠螺、蝦、彈牙嘅冰鎮鮑魚等。刺身有3款。
🧀火腿、芝士、麵包、沙律
有3款火腿、4款芝士，都係高質貨式👍🏻可以配麵包、餅乾、番茄乾等配料。芝士有軟滑嘅brie cheese、富奶香嘅Gruyere cheese，都係其他地方少見😎
🍖烤肉、中式燒烤、熱葷、龍蝦湯
燒烤區有威靈頓三文魚、烤雜菜、燒腩仔、烤鴨、豬鞍扒。威靈頓三文魚絕對係心機菜🫶🏻三文魚肉夾雜黑松露醬以及菠菜忌廉，不過醬汁可以再多少少。燒腩仔都幾出色😋肥瘦相間，個皮夠晒脆。另外仲有幾款熱葷，好似海鮮炒飯、咖喱蜆、龍蝦湯。龍蝦湯好飲😋質地好creamy，龍蝦味香濃。
主菜
🦞烤波士頓龍蝦
另加$128可以升級主菜做龍蝦。原隻龍蝦超大隻🤩本身已起肉，食起上嚟好方便。龍蝦好爽彈，鋪滿芝士菠菜，惹味之餘唔會完全搶走龍蝦鮮味😚
🥩烤西冷牛扒、松露薯蓉、法邊豆、黑松露和牛肉汁
牛扒烤得幾靚，肉質粉嫩，不過唔夠軟腍。
🥟菠菜意大利雲吞
醬汁除咗番茄醬，仲帶有幾香嘅香茅味，食落無咁膩😛
🍰甜品、雪糕
甜品區勁吸引😍每款都好精緻好靚，有奶凍、栗子蛋糕、菠蘿青檸蛋糕、朱古力蛋糕、開心果紅莓蛋糕、鳳梨酥、葡撻、蝴蝶酥等。推薦酸甜清新嘅菠蘿青檸蛋糕✅食到彷如榛子香味嘅朱古力蛋糕✅以及蝴蝶酥✅另一邊有Movenpick雪糕🍨可以自己加果醬、朱古力碎等一齊食。
🥂飲品
有free flow紅白酒、氣泡酒、啤酒、汽水、果汁等，實行飲飽食醉🤪
人均消費：$580
推介指數（10分為滿分）：8分
張貼
