鉄人大盛 (已結業)

如果喜歡鉄板燒又喜歡食刺身放題，這裡相信係一個絕佳地方，一個價錢$328有齊多重享受，係一個挑戰味覺嘅好地方！位置夠晒方便，行入去就見到大大個招牌，沿扶手電梯落去餐廳，地方十分闊落，而今晚就係座在鉄板前，望望點餐紙，主要是鉄板燒同日式放題兩大類，全部都可以點，唯獨鉄板落單後，鉄板燒師傅會在你面前即刻在鉄板上煎，夠晒新鮮！最強烈推介就係鉄板燒嘅係列，因為師傅即場在你面前煮之餘，還會因應食客嘅節奏調節將最佳嘅食物送到客人面前，個汁燒一口牛，煎得軟熟嫩滑，入口充滿肉汁，泰式雞扒亦煎得皮脆肉嫩，配埋個泰式醬汁十分好味，另外個豚肉山薑燒，豚肉充滿薑汁味道夠晒特別，入口軟熟正！而手工精緻嘅蔥花牛肉，師傅用純熟嘅手勢兩三吓就將香蔥用牛肉卷成，入口都軟熟香滑！當然日式放題都唔可以忽視，大大份嘅刺身拼盤放滿了超新鮮嘅刺身，有三文魚、吞拿魚、油甘魚、鱆紅魚、甜蝦、帶子等樣樣嘅刺身味道十分新鮮，而另一個必食就係個燒鰻魚，見到就真係4,5件咁點，燒得十分肥美，都真係吃了差不多成條鰻魚！如果喜歡任食放題又喜歡鉄板燒，這裡真係不二之選，最後估不到還有任食H 字頭雪糕，口味還不止一款，整晚都好忙咁食，完全係大滿足！