鉄人大盛 (已結業)

又係老友生日推介的鐵板放題系列！👍🏼😆成班10幾個女人圍埋鐵板邊嘈到一個地步！😂都影響唔到旁邊的師傅既功力！🤣👍🏼仍然整得出好食嘅水準！所以不停叫左最小六碟鵝肝😱❤️六碟燒蠔😱❤️仲有六碟扇貝！😱❤️刺身好新鮮！🐟🦐當然都係叫左四大盤😱🤩所以食放題是正確的！👍🏼😆因為我們都是一群吃貨的女人！👩🏼👍🏼最重要係吃貨得來食物一定要有質素！👍🏼所以放題來這裏是一流！👍🏼😆#鐵人大盛日本放題鐵板燒

平時做嘢咁攰咁辛苦，都為咗食餐好，搵多啲食多啲好西，又比我發現到有間正嘢要推介比大家啦。鉄人大盛係食放題㗎，有刺身、炸物、燒物任食，而佢最大嘅賣點就係鐵板燒，會有師傅喺正面前燒比你食，簡直係視覺同味覺嘅高級享受。一坐低就緊係叫啲刺身、壽司先啦，刺身好新鮮，片片厚切，特別一提帶子好香甜啊！鐵板燒方面，我最鍾意就係呢個鵝肝多士，食落有極豐富鵝肝油湧出嚟，又唔會膩，我食完又食，起碼食咗十件啊！燒菠蘿勁多汁勁甜！燒羊架牛粒粒好香好惹味啊！而且任飲飲品，由茶、果汁到到汽水都應有盡有。亦都唔少得Häagen-Dazs雪糕！！任食㗎！介有幾款唔同口味，我最鍾意就係曲奇味啦！

今日和朋友往尖沙咀鐵人大盛食鐵板燒放題, 放題除了鐵板燒外, 還有刺身, 燒烤熟食、火炙壽司、卷物、炸物、飲品和甜品。鐵板燒食物種類甚多, 而且即叫即煎, 這裡是開放式廚房,我們可以即時看到鐵板燒師傅即叫即整, 視覺味覺的享受, 鐵板燒有芝士醬帶子, 芥茉醬朱頸肉、炒野菜、黑松露魚扒、日式漢堡扒、lemon牛油煎魚排、蔥花一口牛、蔥花牛肉、香蒜一口牛、香煎鵝肝和泰式雞扒。芝士醬帶子食落鮮甜, 芝士醬味道香濃；芥茉醬朱頸肉食落軟腍有油花, 芥茉醬食落醒胃；炒野菜食落爽口；黑松露魚扒肉質鮮甜, 黑松露香氣四溢；日式漢堡扒食落啖啖肉, 配上醬汁食落惹味；lemon牛油煎魚排lemon香甜, 牛油味道和魚肉好夾, 魚肉肉質鮮甜味美；蔥花一口牛和蔥花牛肉肉肉味香甜, 蔥花能帶出牛肉美味；香蒜一口牛蒜味香濃, 牛肉肉味鮮甜, 食落惹味香口；香煎鵝肝多士食落香脆, 鵝肝食落惹味有油花；最後泰式雞扒肉質鮮嫩, 配上泰式醬汁食落惹味啖啖肉；刺身方面有甜蝦, 帶子、三文魚和拖羅, 刺身新鮮肉質鮮甜, 美味十足；燒烤熟食方面有蒜蓉燒蠔, 燒雞翼、燒花枝丸和燒海膽波波。蒜蓉燒蠔食落鮮甜, 蠔大大隻配上蒜蓉食落

餐廳位於尖沙咀地庫 ～～有兩本放題Menu 啲嘢食都幾多選擇內部環境好闊落 飲品都是罐裝飲品 茶 （無糖）可樂 忌廉溝鮮奶 荔枝玉露 酒等等自己去拎就可以～～寫幾多 俾幾多 ！！！非常好！！！俾既數量好精準的！ 記得唔好環浪費食物 食得晒先好寫多D上菜速度都好快 Good～～～呢度壽司正！！！！！！飯少 細件 食多幾款唔同口味都唔會飽!!!!嘢食質素全部都唔太差！！good~~~~~~~~~~~~

晏晝食完川菜， 去激安堂濕平， 五點幾就去book咗嘅第二站: 鉄人大盛🍖🥩🍗佢係全港首間鐵板燒放題嚟㗎，除咗主題外，還有🐟生，🍣🍤🥘，都可謂一次過滿足哂條👅👍😆-地方大，每張枱有👨‍🍳坐鎮👍-有四個大飲品櫃有齊🍶🍺🥤- 任食哈根大多款雪糕🍨🤭鐵板燒全部嘢食我哋都試齊，簡單嘅調味帶出食物本身嘅味道👍 牛脷、羊架 、黑松露燒魚、芝士醬帶子、煎鵝肝、 檸檬醬煎魚排 ……我哋一再encore🤤 其他只係輕輕食吓😆-🍨 每人食咗兩款，一於唔放過🤣🤣👩‍⚖ 今次尖沙咀的日與夜， 真係一次過滿足到我和閨蜜嘅👅尖🤭

同屋企太上老君去食嘢，千祈唔好諗住俾最好,帶佢哋去高級又昂貴的餐廳｡如果想佢哋食得開心又唔洗比人哦，一定要注意以下幾個點，1.唔使行咁多路,一去到就有得食唔洗等位,如果唔係未食已經開始後悔。 2.餐廳夠本土化或大眾化，高級嗰啲佢地食得週身唔聚財。3. 大件夾抵食或任飲食,佢地就會覺得好抵。哩間日本餐廳可以講得上符合哂要求:尖沙咀地鐵站2分鐘就到好就腳， 佔地幾千呎地庫,地方非常大枱又多,繁忙時間都唔洗等位， 中意食乜就點乜任點任食。一坐低侍應就送上跟餐送新鮮的生蠔。雖然係任食任點,但壽司師傅切刺生刀功一啲都唔馬虎， 壽司亦都做得很精美｡建議每種食物先試一兩件，食品種類實很多，點太多份量，應該試唔哂所有食物就肚胞了。鐵板師傅服務很好,主動提意今日哪種食物新鮮，叫我們一定要點，而且當日見到有老人家在場，專登將食物切細件，非常細心。鵝肝燒得裡邊保持肉汁外邊香脆，唔錯｡蒜香一口牛肉粒必食!雪糕係名牌雪糕食幾杯都翻本。唔好睇黎嗰炸榴蓮球平平無奇,喺廚師推介食,如果中意食榴蓮的朋友一定要試｡飲品種類有好多組包括啤酒都有,清酒也是任飲｡

餐廳喺正旺區但都幾易揾，好彩有卜位見去排晒長龍。驚喜嘅呢度又有得食又有得玩，擺得好靚好colourful一定呃爆like飲品選擇方面種類多仲有清酒飲！嗌咗三文魚、北寄貝、帶子、拖羅、赤貝、希靈魚刺身全部都好新鮮，特別讚嘅係帶子好鮮甜芝麻八爪魚、中華沙律份量幾足食放題最怕啲壽司嘅飯太大，一開波就填飽咗個肚。但呢度壽司飯較少，客人可以食多幾款唔同口味，即刻回晒本最鍾意食呢個，清酒煮蜆又大隻又鮮甜，encore咗三次香蒜一口牛肉質軟腍，幾惹味左邊 檸檬牛油煎魚排右邊 黑松露煎魚排好新穎嘅配搭，值得一試鐵板羊架，生熟程度啱啱好，依然留有肉汁放題必點嘅邪惡炸物，天婦羅蝦、吉列蠔、芝士年糕、榴槤炸彈、炸庶蝦、芝麻雞翼芝麻雞翼外層香脆，肉質滑嫩係haagen-dazs呀勁多選擇，真係任食唔嬲香蕉味呢個價又有得夾公仔，又多嘢食，又有得任食haagen-dazs絕對抵

今日朋友book枱食飯佢帶咗我去試呢間放題我問佢有咩特別佢話你試過就知喺商場地庫入邊唔講真係唔知有間餐廳喺度飲品都幾多選擇同種類哦…原來佢哋嘅座位係圍住鐵板師傅坐每個師傅都燒到唔同嘅指定嘢食即叫即燒Menu呢都有兩本放題來講佢乾淨之餘仲要啲嘢食都幾多選擇可以望下啲嘢食質素都全部唔太差就算我哋玩一份嘅份量啲嘢食都唔會太少同細嚿咁食完嘢食抖左一陣就望吓甜品有啲咩選擇正喎有Häagen-Dazs嘅杯裝雪糕而且味道都仲有幾款俾你揀

呢度好特別 唔係平時啲放題 有師傅係面前即時鐵板燒 望見都好吸引 可以一邊欣賞師傅手勢 一邊享受美食 間唔中仲有師傅會逐位表演鐵板燒到噴火既技術 好正未落單店員已經送上大蝦刺身 好新鮮 好彈牙刺身壽司款式應有盡有 全部都好新鮮 連海膽 拖羅壽司都有 好抵食 細細件 試多幾件都冇問題 特別鐘意火炙個幾款當然都要試下呢度出名既鐵板燒啦 果然好有水準羊架好大件 已經調好味 一啲都唔騷鵝肝多士味道都好好味 麵包似烘過 好脆 配上油脂味足既鵝肝 正呀蔥花牛肉 蒜爆一口牛 & 燒汁一口牛好好味 燒完後 牛肉粒依 然鎖住肉汁 又好香口燒芝士醬帶子 夠晒鮮甜燒菠蘿 翠肉瓜都好好味 keep到啲汁 好鮮甜 好fresh 味噌煮蜆 蜆有蜆味 又多 又大隻 又無沙 仲可以任食Haagen Dazs 六款口味雪糕 連平時少見既咖啡味 香蕉味都有 食多幾杯已經好抵

又想放肆食放題，今次朋友就揀咗一間特別嘅鐵板燒放題，位於尖沙咀，超近地鐵站！今次佢安排嘅位置近其中一個鐵板燒位，我見每個師父都會主要負責燒一類食物，例如我前面呢個師父就係燒菇類、菠蘿、翠肉瓜等等。位置都算闊，坐得都幾舒服，雖然有好幾個鐵板燒爐，但其實無咩油煙味！各款刺身😋我同朋友每樣叫少少，想留肚試下其他野食刺身都好新鮮，亦有油甘魚等選擇，不錯不錯！我地亦叫咗幾款壽司，例如鰻魚壽司、火炙三文魚壽司，全部都幾有水準燒汁一口牛 & 蔥花牛肉個人超級推薦蔥花牛肉，平時放題都有一口牛提供，呢間都唔錯。見到蔥花牛肉，有試下啦，點知一試難忘😂舊牛肉好juicy，捲住D蔥花，於是食多幾舊都唔覺漏，好好食！炸物&芝麻雞翼正正常常，但芝麻雞翼略嫌唔夠嫩，但都ok嘅炒雜菜，佢地所有野都係即叫即落，仲有煙咖！因為坐係個爐隔離，真係見到班師父收到單先整，食物唔係擺十世再攞比個客，而且又見到佢地整嘅過程，乾淨衛生！個人口味！勁鍾意食燒茹！仲有任食Haagen dazs雪糕，口味仲有勁多款！都幾推薦大家試下呢間，種類感覺上比平時放題多少少，而且食材新鮮，同屋企人朋友聚會都好適合！

『鐵人大盛』號稱全港第一間鐵板燒放題，因此點都要試吓吖。最初以為鐵板燒就係鐵板燒，没有其他嘢吃，但原來唔係，除咗唔使自己燒之餘，仲有日式放題必定有嘅嘢，例如刺身，壽司，卷物，炸物，熟食，飲品，甜品等等……呢日送嘅係大大隻嘅生蠔4隻，飽满新鮮，有濃郁海水味，由呢個開啟了以下嘅美味之旅。燒牛油元貝，好味又邪惡，忍唔住又叫多轉鵝肝多士，鵝肝入口即溶，多士香脆可口，好配搭。好似叫多咗2轉燒蠔亦同樣冇得頂，必定要encore。刺身新鮮，仲有擺碟勁靚，唔係好捨得吃落肚。燒菠蘿够甜，够juicy.好高質嘅一餐

放題食過很多次，鐵板燒放題就是第一次，$328一位，價錢確實比一般放題店貴，但食物種類多，味道又新鮮，感覺物超所值，如果進食時間可更加長就好。食物種類真的很多！刺身非常新鮮！三文魚肥美鮮甜。送的生蠔都非常美味！必點芝士燒蠔、香煎鵝肝、鰻魚芝士卷和一口牛！這幾款我們都encore了。鵝肝入口即溶，鰻魚芝士卷真材實料😍甜品非常驚喜，有6款haagen-dazs雪糕任食😍😍有咖啡和香蕉等少見一點的口味。食物質素高，值得再來！

呢晚同朋友嚟咗鉄人大盛食放題～鉄人大盛位於尖沙咀格蘭中心地庫，除咗有放題餐廳外，仲有好多部同香港嘅youtuber crossover嘅夾公仔機，譬如Rock哥、熊仔頭等等。餐廳幾特別嘅係佢主打鐵板燒，座位前面就係廚師，可以望住佢整嘢食！我哋前面嗰位廚師就係專整燒菇、燒翠肉瓜、燒菠蘿嘅🤣價錢係$328/位～宵夜特惠時段 (21:00-23:15) 價錢只係$199，仲免收加一服務費，夜鬼啱晒！食物種類好多，有兩本點菜單，一本係刺身、壽司、沙律類，一本係熟食類。外面仲有自助飲品區，唔同飲品，甚至酒類都有；仲有haagen dazs杯裝雪糕任攞！食物以放題嚟講好高質！刺身新鮮，壽司整得有誠意，足料、飯實～🌟特別推薦：黑松露魚扒：黑松露味好香！魚肉鬆軟，唔韌～蔥花牛肉香蒜一口牛香煎鵝肝：鵝肝不嬲都係細細舊就夠，呢個size就啱啱好喇！仲配埋塊多士，好脆😍haagen dazs雪糕⭐️其他食物：抵讚嘅係冇漏單（差唔多）！👍有一張漏咗，但好彩，因為我哋已經好飽😂😂推介！

再次來到鉄人大盛食鐵板燒，因為300幾就可以個半鐘任食任飲。餐廳有6個即叫即燒鐵板燒counter, 客人可以邊食邊睇師傅表演。飲品選項都算幾多，最開心梗係新添加大罐hoegaarden同清酒無限任飲。刺身都幾多款，赤貝同螺肉鮮甜！清酒煮蜆好鮮甜，蜆肉大隻肥美，最重要無沙。壽喜燒牛肉鍋甜甜地好開胃。鱈魚片燒完脆脆，食到唔停口。牛舌切得比較大塊，台灣腸就燒得很好。蔥花薄牛同一口牛都很惹味juicy！鵝肝、羊架都不錯。炸物都好多款式！最愛芝麻雞翼、芝士年糕、香芋丸。食得太多肉類還可以食番沙律綜和番。哈根戴斯 有6款口味，比較少見的香蕉味。

格蘭中心地下變成了一個鐵板燒放題 香港以鐵板燒做放題的，又好似好少見價錢屬於正常價 日式放題黎講唔算平，但以鐵板燒黎講算抵~呢度有ORDER 枱，不過食鐵板燒最值錢既當然係坐係呢D鐵板燒枱旁邊，即燒即食啦~ 7點前入座未算好多人，但之後就爆場了~ 一坐底已經見師傳努力燒緊~魚柳 原來師傳話驚我地肚餓，可以一路食，一路再慢慢揀野食 呢一刻，感動左~ 魚柳外皮燒得香脆，入面嫩滑，仲有2款口味你揀，沙律醬和香草醬 細心到咁，真係無得彈~至於食物，種類多數唔哂~ 可以係呢D圖文並茂，彩色印刷既紙上面落ORDER 再交俾工作人員。 不過一張紙得3-4款揀，靚就靚，但唔太環保~ 食物同好多日式放題都相似，但最重要的，當然係多左呢個鐵板燒啦~刺身先上，放哂乾冰，賣相有心思，切身質素非常好，望落都有光澤 最重要係，每款都係大大隻的，唔係細細隻的平價貨 帶子可以一開三，甜蝦係大隻的蝦，北寄貝，螺肉都好大隻~ 要知道平日放題式的蚊型刺身食得不湯不水，這個刺身拼盤實在食得有夠過癮 那個三文魚刺身更加厚到難以形容 魚油肥美，我連食2舊後要投降了~XD刺身不錯，壽司同樣出色 每款壽司都係