熊本牛鍋 (永勝商業中心)

營業中

休息中

呢間日式打邊爐係山林道上面，坐位都唔算迫。而且枱同枱之間都好開，坐得幾舒服。我地叫咗2個湯底，一個係木魚昆布 同 蕃茄薯仔豚骨濃湯。木魚昆布，好足料味道好清甜。薯仔豚骨濃湯，都好足料都係好清甜，自己覺得加牛肉好夾。係枱面出面有好多蔬菜同配菜。裡面有啲比較少見啲嘅秋葵 。仲有菜心，生菜等等。全部都幾新鮮。而丸類有芝心丸，墨魚丸，魚旦，獅子狗。其他仲有蟹柳，水餃。加拿大豚肉呢個豬肉都肥，而且好滑。肉唔薄，價錢雖然好平，但係都好好味。牛肩胛牛肩胛呢個肉比安格斯瘦啲，肉味濃味好多。安格斯極級牛小排就咁睇相都見到幾肥美，而且好均衡。而且啲肉都唔會話好薄，食得出肉味。