影片
更多
2020-11-06
3120 瀏覽
早3日打去book位，當日唔記得左係book 7點定7點半，諗住等佢打黎confirm booking時就會知，點知冇打黎，最後我打去問番佢😅入場前有嚴謹地叫人探熱👍🏻 可以揀美國牛定韓牛，專登黎呢度，唔係唔食韓牛ma?座位幾濶下，枱同枱之間唔會話好逼👍🏻一坐低就幫我地開爐，隔一陣就放低左碟牛，幾靚仔，仲好企身，唔會溶晒雪咁。 有4款牛，食左覺得有款四方形既好好食，但佢d肉完全冇名，所以唔知點encore, 只好全部再叫一轉，但個人唔太喜歡太厚身嗰隻，最後忍唔住問waitress姐姐，先知好食四方形係牛小排😮，之後就集中食呢個牛小排😋😋😋除左韓牛，仲叫左一塊美國牛扒，估唔到咁大塊咁上，薄薄地，都幾好食，但因為太大塊，冇辦法叫太多。另外叫左雞翼，雞肉，雞翼係單骨雞翼，但比較難燒，d皮痴住晒塊板，又燒唔脆，試完都冇再叫了。海鮮試左帶子同魷魚，帶子好細片，個口感滿足唔到。 見隔離枱唔係好識燒海鮮，waiter哥哥好有心機教佢地👍🏻雖然好多熟食都想試，但都想集中食牛。只係試左泡菜豬肉湯同雪濃湯，雪濃湯正到爆，必飲。 仲食左一口牛，調味得幾好食，仲有d前菜，洋蔥粒幾特別，不過酸左d, 未必人人鍾
入場前有嚴謹地叫人探熱👍🏻 可以揀美國牛定韓牛，專登黎呢度，唔係唔食韓牛ma?
座位幾濶下，枱同枱之間唔會話好逼👍🏻
一坐低就幫我地開爐，隔一陣就放低左碟牛，幾靚仔，仲好企身，唔會溶晒雪咁。 有4款牛，食左覺得有款四方形既好好食，但佢d肉完全冇名，所以唔知點encore, 只好全部再叫一轉，但個人唔太喜歡太厚身嗰隻，最後忍唔住問waitress姐姐，先知好食四方形係牛小排😮，之後就集中食呢個牛小排😋😋😋
除左韓牛，仲叫左一塊美國牛扒，估唔到咁大塊咁上，薄薄地，都幾好食，但因為太大塊，冇辦法叫太多。
另外叫左雞翼，雞肉，雞翼係單骨雞翼，但比較難燒，d皮痴住晒塊板，又燒唔脆，試完都冇再叫了。
海鮮試左帶子同魷魚，帶子好細片，個口感滿足唔到。 見隔離枱唔係好識燒海鮮，waiter哥哥好有心機教佢地👍🏻
雖然好多熟食都想試，但都想集中食牛。只係試左泡菜豬肉湯同雪濃湯，雪濃湯正到爆，必飲。 仲食左一口牛，調味得幾好食，仲有d前菜，洋蔥粒幾特別，不過酸左d, 未必人人鍾意。
野飲算幾多款式，有冷泡茶，幾解滯。 雪糕全部都係同一個牌子，都有幾隻味揀。 不過見幾多客出去拎野飲同雪糕都冇戴番口罩，呢樣野可能餐廳要注意下，提番d客。
服務好好，經常主動幫我地換板，野食都上得好快，又會主動收野，人手比例算幾多👍🏻
雪濃湯
79 瀏覽
0 讚好
0 留言
雪糕
74 瀏覽
0 讚好
0 留言
張貼
