蚊蚊豬老火鍋 (已結業)

知道蚊蚊豬老火鍋開左分店，太子店食過幾次，開分店當然要一戰啦！不過深水埗分店同太子唔同，除咗四川烤魚同四川雞煲之外，每枱包一盤海鮮拼盤，冬天仲有期間限定嘅羊腩煲，牛肉方面就多咗牛板腱、封門柳、刺身、雪糕、飲品都係任飲任食！今次就揀咗香辣四川烤魚，條魚全部都係大骨，非常容易食。個湯又好夠辣，連埋個魚食就完美啦！之後加湯打邊爐或者係再另叫一個湯底都得！ 牛板腱同封門柳都好有牛肉味，輕輕燙一陣就食得，好嫩滑，忍唔住一片接一片。另外每枱都會送海鮮拼盤，有鮑魚、蝦、青口同鱔，每樣都好新鮮，可惜冇得一點再點啦～部分火鍋料係出面自己拎，有啲就用QR CODE嗌，款式都有好多種。其中個響鈴好唔錯，真係即炸，再乾身啲就更好啦！