蚊蚊豬老火鍋 (已結業)

人多食飯最頭痛，呢個想食烤魚，嗰個又話食雞煲，咁點搞? 搵一間乜都有咪得囉，一個價錢包晒，任飲任食，呢間有齊烤魚及雞煲任食😋，仲有羊腩煲(一次性)烤魚 任食嚟講好有水準，拍得住其他烤魚店，我們點了香辣味，可選辣度，魚夠大條，肉質鮮味🤤，另點了泡椒酸湯口味，相對沒有香辣咁出色，出面叫條烤魚閒閒哋都兩三百蚊，呢度係任食，相當化算，雞煲味道夠濃，但雞肉唔夠滑，羊腩煲炆得入味，唔錯牛肉併盤  餐廳先奉上一份併盤，有安格斯、封門柳、牛板腱、牛舌，其中安格斯超高質，入口軟腍，大家都話安格斯堅好食，呢款食唔停😋刺身估唔到連刺身都有得食，質素一般，叫做多個選擇小食 泰式鳳爪、炸曼頭、燒雞肉串、雞翼、豬頸肉、牛仔骨等，燒物放上枱時係熱辣辣，唔係預先制定，唔錯👍🏻火鍋配料 肉類、餃子、丸類、蔬菜、粉麵等，其中香煎午餐肉好食🌟飲品及雪糕 飲品自助形式，有罐裝啤酒、汽水、茶等，留意到牆壁胋上九時入座有紅白酒任飲，食夜場嘅朋友不妨問下店員😉整體🌸食物真心冇投訴，三百幾蚊有咁多嘢食，尤其是烤魚同安格斯牛肉超有水準，缺點係唔跟單執嘢，點少少就來大大份，後期上菜較慢等情況，由於下單時間為90分鐘，若發現食物未到就盡早

蚊蚊豬火鍋係我一諗起麻辣火鍋，就會想食嘅一間。🌶️🍲早幾次都係去太子分店，今次試吓深水埗嗰間質素如何先。今次叫咗個120分鐘任飲任食極品晚市放題，呢個放題係可以先揀咗食雞煲或者烤魚，食完之後就開始打邊爐。今次同埋屋企人就揀咗先食雞煲，雞煲一上枱就聞到好香麻辣味🤪屬於炒得香口嘅雞煲，唔會落過多嘅水。連埋雞皮食，正！火鍋我哋揀咗鴛鴦湯底，招牌牛油紅湯鍋同埋香莤皮蛋鍋。兩個湯底都好滿意，紅油鍋淥牛肉一流🥩皮蛋鍋就岩淥啲時蔬🥬，冇咁吸油。好欣賞呢度既響鈴 新鮮油炸，超級香口好食🤩仲有一開始會上枱既牛肉拼盤，啲牛肉都好不錯。有極上牛肩嫩肉、封門柳、牛板腱同牛舌，好快就清盤🥓呢度嘅小食都有勁多選擇，有幾款嘅魚生刺身，串燒，麻辣涼拌嘢都有😍連特別啲既涼拌魚皮都有，個人最欣賞就係佢嘅燒豬頸肉，超級香口，入口軟熟既質感！

第一次黎蚊蚊豬同朋友兩個人試普通120分鐘任食一黎到叫左個胡椒雞豬肚煲，d雞幾滑，不過成煲野好淡味，隻筷子太長有d難用，建議整返d正正常常既筷子上菜速度算快，刺身都ok,夠新鮮，不過種類少醬料方面種類唔算多，醬油汁又係冇乜味，後尾要加d刺身豉油先叫做有返d咸味牛肉方面賣相幾靚，但都係冇乜味響鈴都ok,其他配料都係不過不失烤魚就未試到，因為已經飽飽地雪糕試左兩種，咖啡味雪糕太苦，芋頭雪糕太甜，整體黎講都係普普通通

天氣凍凍地，又係時候去食返啲嘢暖吓個胃。朋友介紹呢依間餐廳，話性價比極高。我哋平日夜晚去都full晒，好似有啲料到😂呢度可以任飲任食烤魚、雞煲、火鍋。最勁嘅係竟然可以不斷換煲，出邊食咁多次都真係未試過可以咁樣做。最鍾意一定係嗰個烤魚，啲魚滑到好誇，啖啖肉，好彩係任食，唔係嘅話肯定比佢哋食曬😌店內唔算好大，所以其實坐落都有少少迫。不過比起想像更加乾淨而且店員態度都好Nice，呢個價錢真係冇得講啲咩㗎啦，整體嚟講都唔錯，會回訪嘅火鍋店👍🏻

今日去咗呢間蚊蚊豬食火鍋，$300任飲任食120分鐘都真係幾抵😎 我哋叫咗個羊腩煲，羊腩偏大件，不過都幾入味，份量啱啱好，試少少又可以食埋其他嘢。平時都係食火鍋多，原來呢度有得任叫烤魚同埋雞煲。烤魚有四個口味，由於我唔食得辣，唯有叫咗個鮮番茄🍅 上枱時真係嚇親，因為估唔到咁鬼大條，食落去啖啖肉真係好誇張👍🏻其實仲可以轉煲要火鍋湯底，不過我哋太懶啦，直接攞烤魚嗰個煲嚟食火鍋。呢度嘅配料都有幾多選擇，用QR code落單，不過最鍾意都係呢度嘅炸物同埋小食，尤其是係嗰個炸響鈴，我哋食完之後都大讚特讚，好食到癲咗！！！

餐廳位於深水埗，店內環境唔大但坐落都算舒適，呢度主打任飲任食烤魚火鍋放題，秋冬限定更供應胡椒豬肚雞同羊腩煲，價錢親民而且食物質素都好高，適合一家大細過嚟食餐飽😋坐底後先上羊腩煲，羊腩大件，好多肉，份量適中，配上冬菇、馬蹄、枝竹等，配料煮至入味，值得一讚係個湯底，清甜濃郁，淨係攞佢嚟打邊爐其實已經夠晒😂清江魚超級無敵大條，外層香脆，內裡軟滑，骨唔多，啖啖肉，個人十分喜歡，絕對值得encore😍 旁邊有娃娃菜、蓮藕、冬菇、番茄、仲有大量芫荽，真係好抵食，出邊搵唔到呀🥹牛肉拼盤賣相吸睛，好打卡able，封門柳、牛販腱、牛舌等，牛味突出，切得夠薄，入口即溶、三文魚刺身都唔錯，肥美新鮮、丸餃款式眾多，喜歡芝士腸、台灣腸同魚腐！另外大大力推介呢度嘅小食，必點之選有皮蛋、炸饅頭、香煎午餐肉、雞肉串同即炸響鈴，人生第一次食到啲咁好食嘅響鈴，脆到誇張，味道難以形容，雖然好飽但真係會不斷encore🥺

我哋揀咗要晚市極品放題（$298）雞煲揀咗要微辣嘅🤔🤔食落去味道幾幾濃郁雞肉都算嫩滑咁食完雞煲之後就可以轉湯打邊爐（我哋就揀咗要先蕃茄薯仔清湯鍋）我覺得呢個蕃茄湯底真心幾高質😙😙因為蕃茄味真係好濃郁手切安格斯肥牛食落去幾有咬口😘😘封門柳/牛板腱食落去牛肉味都幾重除此之外其實佢哋都有刺身同埋串燒可以任嗌任食咁我最鍾意食嘅梗係三文魚刺身啦❤️❤️因為佢食落去真係好滑而且色澤同埋紋路都幾靚跟住串燒方面我就幾鍾意食豬頸肉同埋雞柳豬頸肉食落去真係幾爽口‼️‼️值得一提嘅係佢哋有供應炸饅頭😱😱食落去都算幾酥脆

我哋揀咗要晚市極品放題（$298）咁首先講咗佢哋嗰個雞煲先啦我哋就揀咗要微辣嘅🤔🤔我覺得佢哋嗰個雞煲都算幾濃郁（有少少辣得嚟又唔會太過Over）而且雞肉都算嫩滑咁食完雞煲之後就可以轉湯打邊爐（我哋就揀咗要先茄薯仔清湯鍋）呢個蕃茄湯底味道都幾重😋😋配埋響鈴一齊食簡直一流手切安格斯肥牛食落去幾有咬口、唔會太乾😘😘而封門柳/牛板腱食落去亦都幾煙韌爽口三文魚食落去都新鮮❤️❤️跟住串燒方面我就幾鍾意食豬頸肉同埋雞柳喂豬頸肉食落去真係幾爽口‼️‼️（之後佢哋嘅串燒都係即叫即正嘅所以食落去係會熱辣辣嘅）值得一提嘅係佢哋有供應炸饅頭🥰🥰食落去都算幾酥脆

今天到訪位於深水埗荔枝角道的「蚊蚊豬老火鍋」，一個價錢便可享用任食烤魚、雞煲、刺身、火鍋、小食及飲品等，秋冬限定推出胡椒豬肚雞及古法羊腩煲-古法羊腩煲份量適中，羊肉大件入味，外皮軟滑，烹煮時間拿捏精準，配料冬菇及枝竹等吸汁後好滋味-日式刺身有三文魚、墨魚、八爪魚、甜蝦及鮑片等，單看外觀已感覺新鮮，當中三文魚夠甘甜肥美-牛肉拼盤皆為美國Prime級別，包括牛舌、安格斯肥牛、封門柳及牛板腱，牛肉新鮮，脂肪比例低，質感細緻嫩滑而充滿牛香，四款牛質素皆令人滿意-其他火鍋配料及小食推介脆鯇腩、草鯇片、鵝腸、川汁皮蛋、燒汁牛仔骨，食材新鮮，小食滋味！

已多次回訪的深水埗「蚊蚊豬老火鍋」最近推出秋冬限定古法羊腩煲，另外烤魚、雞煲、日式刺身、多款安格斯牛肉、火鍋配料、小食、飲品及甜品等皆可任食，飲品包括啤酒用餐時間120分鐘，價錢$248起==========🔹古法羊腩煲羊腩厚肉緊實，外皮Q彈富骨膠原，羊味濃郁而不帶羶；醬汁調較恰到好處，蘸上腐乳更滋味；配料冬菇、馬蹄及枝竹皆入味==========🔹日式刺身點了三文魚、墨魚、八爪魚及甜蝦刺身新鮮，三文魚厚切肥美，墨魚及八爪魚爽口彈牙==========🔹牛肉拼盤 (全為手切 Prime 級別)4款牛分別為手切安格斯肥牛、封門柳、牛板腱及牛舌，色澤鮮紅，油花分佈平均所有牛肉皆軟嫩有彈性，脂肪比例不高；牛舌爽彈，肥牛甘香，封門柳有獨特的牛香，有質素！==========🔹火鍋配料及其他火鍋湯底點選了芫茜皮蛋鍋，芫茜新鮮份量多火鍋配料點選了韭菜餃、雲吞、鯇魚腩、脆鯇腩、鵝腸及蔬菜等小食點選了川汁皮蛋、泡椒爽魚皮及燒汁牛仔骨餃類皮薄餡鮮、鯇魚雪白新鮮、鵝腸粗肚爽口、蔬菜翠綠鮮嫩小食皮蛋呈溏心狀，辣度一流；爽魚皮做到爽口，辣得過癮；牛仔骨肥瘦適中，燒汁鹹甜平衡，足夠滋味雪糕為意大利Gelato，

🍲蚊蚊豬老火鍋·抵食高質放題🐮安格斯牛拼盤·4款不同牛，牛板腱/封門柳/牛舌/極上牛肩嫩肉，肉質鮮嫩有牛味，牛舌有咬口🤤🦐刺身拼盤甜蝦/三文魚/彷鮑片/墨魚 估唔到火鍋到嘅魚生都好高質，三文魚同甜蝦新鮮肥美，墨魚爽口彈牙👍🏻🐧川汁皮蛋皮蛋王全部都好大隻，川汁好惹味又唔會太辣🍗串燒併盤燒雞翼/燒雞肉串/燒豬頸肉串🐷外表燒得香脆，內裡都保留到肉質鮮嫩😋🐟萬州烤魚魚肉嫩滑厚實，好少骨啖啖肉，微辣鮮茄湯底🍅濃郁更能帶出魚肉鮮味，之後再可以加湯或者轉湯底繼續打邊爐🥯炸曼頭外脆香口內層柔軟，加埋煉奶一流🧃飲品任飲都幾多款選擇，除左汽水無糖茶，最正係有3款啤酒任飲

🐟120分鐘烤魚火鍋放題 $298首先可以喺menu 揀烤魚或者雞煲🐔食咗先，因為打邊爐都有成盤牛食，所以揀咗個香辣鮮茄味嘅烤魚，個湯底要咗中辣都唔會太辣🌶加埋蕃茄嘅酸酸甜甜唔會越煲越辣🍅條魚好大條，先炸過過再煲魚皮更香，魚肉比較厚實啖啖肉，冇乜骨，唔識食魚嘅叫都實冇問題👍🏻 湯底可以食完烤魚轉其他，例如鮮茄薯仔清湯鍋香茜皮蛋鍋，粟米豬軟骨鍋咁🍲但由於個湯底好好味，我連湯底都冇換就直接加湯打邊爐😆🐃牛肉拼盤一坐低就送牛肉拼盤，有牛肩嫩肉/封門柳/牛舌/牛板腱🐮賣相擺盤已經望到質素唔錯，啲油花分佈得好平均🤤顏色新鮮，牛板腱同牛舌會比較嫩，牛肩肉嘅牛味重，封門柳就會比較有咬口，整體成碟牛食完已經覺得抵番晒😆🦐刺身併盤少有嘅任食刺身$298都包埋，雖然唔會太多款但樣樣都幾新鮮，三文魚墨魚甜蝦都夠鮮甜🍢串燒併盤試咗燒豬頸肉串，燒雞翼，燒雞肉串，豬頸肉🐖好大串夠嫩一啲都唔韌，燒雞翼皮香肉滑，反而雞肉串就會乾咗少少🤏🏻 不過串燒個調味做得好好，甜甜地孜然味，小朋友都會鍾意🧆小食另外仲有啲小食可以任叫，因為都已經好飽，淨係試咗兩款皮蛋同炸饅頭，饅頭係新鮮炸熱辣辣起，皮蛋味香完全冇阿摩尼亞味🍺飲品出面

第一次黎蚊蚊豬食火鍋自助餐，果然唔錯，黎依度都係聽朋友講依度好食先黎試下，一試就知無黎錯👍最欣賞係烤魚，魚肉好香好嫩，而且味道啱啱好，好入味！我揀左辣烤魚，仲更好味！牛肉仲非常靚，上枱分做唔同部位既牛，款款都咁好味！串燒燒得好好，惹味得黎又唔會太燶👍食左咁多肉，係時候淥d菜食，菜都有好多款揀，d菜好新鮮啊！魚腐金菇係火鍋必叫，我都叫左d😋白雲鳳爪酸酸甜甜好開胃又爽口，好仲意！滷水牛肚等都好推介啊！

今晚收工同朋友去左蚊蚊豬老火鍋，呢間係深水埗分店，位置開揚好易揾，而且係24小時營業，收工好夜食宵夜都好方便。好多人係度開心吹水聚會！我地都鐘意食魚，所以就叫左個魚煲。魚好正好嫩滑！呢間既串燒係必嗌，全部都燒得好香，燒豬頸肉好爽口燒牛仔骨醃得好入味好香，燒雞肉連埋塊香脆雞皮食好正。除左靚牛肉，打邊爐唔少得响鈴仲有脆肉鯇，好新鮮生菜，油蜜菜等等都食得出非常新鮮！仲有刺身任食，叫左最鐘意既甜蝦，又係新鮮好食。

入秋開始有d涼，係時候出動打邊爐啦，今晚我地一家約埋去深水埗既蚊蚊豬老火鍋試試。呢間係放題任飲任食，出面有個凍櫃有好多飲品，茶類飲品打邊爐飲几解渴👍前菜食左麻辣皮蛋，個麻辣汁好惹味。嗌左個麻辣魚煱，一大條鱸魚炸過，再落煱用麻辣湯煮，入哂味，條魚皮脆肉有肉汁。食哂條魚，用返個湯淥牛肉食。極上牛肩嫩肉油脂分布好靚，口感好滑好香。其他牛肉都好好食。另外仲有各款雪糕，豆腐雪糕幾好味，乳酪我都几仲意食呢！