MoMo Café

營業中

休息中

有朋友生日，咁上網見到呢度有任食龍蝦自助餐，所以就算地點唔係咁就腳，都照揀咗呢間餐廳！但呢餐真心覺得麻麻地啦~咁呢餐嘅重點當然就係龍蝦啦！但你唔好以為真係有好多龍蝦俾你食啊！佢一輪出得好少龍蝦，好快就會俾人夾晒！長期係得返龍蝦鉗！所以計我話係任食龍蝦鉗至真🙃下一輪又起碼等成20分鐘先有！我都係食得3隻😖而其他嘢食都唔算話好特別，生果都係最普通嗰啲！而串燒又係燒好晒，凍哂唔好食😵最難食嘅竟然係芒果糯米飯，個糯米飯好硬又無味,芒果好酸！呢度最好食嘅竟然係個意粉呀！呢度意粉係即叫即炒，醬汁非常好食，又熱辣辣！但係我嚟食自助餐竟然係食晒成個意粉！🤦🏻‍♀️