影片
更多
2017-07-17
771 瀏覽
平時最鍾意打邊爐嘅我， 久唔久都會嚟呢度幫襯， 一嚟佢地點較近， 二來價位真心吸引， 百幾蚊放題任食打邊爐， 而且食材夠曬新鮮又好味而家的香港已經好難搵到， 所以呢度成日爆場！ 今日在上到嚟發現多咗啲新款嘢， 一坐低個伙記就放低一個好大的不銹鋼蒸籠，原來是任飲任食四部曲的第一部曲嘆蒸蠔！ 隻石蠔好大隻，差不多有一隻小手掌般大， 而且非常新鮮， 蒸好之後要用附上的開蠔刀再打開佢先可以食㗎！ 雖然蒸完之後隻蠔就唔係好大隻，不過勝在鮮甜，而且感覺好高級呀！ 第二部曲食乳鴿，一人有半隻乳鴿仔，都幾好食！ 第三部曲食麻辣雞煲，或是選擇芝士雞煲都可以~呢度個麻辣雞無大中小辣之分，是大衆麻辣，所以唔算好辣，追求剌激的可能要自行到調味枱加啲辣椒了！ 不過，食落都幾夠味，麻味又夠香，不過隻雞就細隻左小小，隻雞翼超袖珍，好可愛！ 第四部曲任食火鍋，亦是我最鍾意嗰part啦！我揀埋麻辣湯襯番!任食火鍋材料十足，有超過50款自選菜式，如果想食豪啲都可以加錢食園價海鮮和靚牛！ 不過自選菜式陣容都好夠我吃了！例如有生猛海蝦 、金錢牛展、即晚推介海鮮、手切肥牛、花雕醉雞件、手打墨魚丸、手打墨魚滑、手打鮮
今日在上到嚟發現多咗啲新款嘢， 一坐低個伙記就放低一個好大的不銹鋼蒸籠，原來是任飲任食四部曲的第一部曲嘆蒸蠔！
隻石蠔好大隻，差不多有一隻小手掌般大， 而且非常新鮮， 蒸好之後要用附上的開蠔刀再打開佢先可以食㗎！ 雖然蒸完之後隻蠔就唔係好大隻，不過勝在鮮甜，而且感覺好高級呀！
第二部曲食乳鴿，一人有半隻乳鴿仔，都幾好食！
第三部曲食麻辣雞煲，或是選擇芝士雞煲都可以~呢度個麻辣雞無大中小辣之分，是大衆麻辣，所以唔算好辣，追求剌激的可能要自行到調味枱加啲辣椒了！
不過，食落都幾夠味，麻味又夠香，不過隻雞就細隻左小小，隻雞翼超袖珍，好可愛！
第四部曲任食火鍋，亦是我最鍾意嗰part啦！我揀埋麻辣湯襯番!
任食火鍋材料十足，有超過50款自選菜式，如果想食豪啲都可以加錢食園價海鮮和靚牛！
不過自選菜式陣容都好夠我吃了！
例如有生猛海蝦 、金錢牛展、即晚推介海鮮、手切肥牛、花雕醉雞件、手打墨魚丸、
手打墨魚滑、手打鮮蝦丸、九肚魚、蟹棒、午餐肉、牛丸、魚腐、鮮蝦丸、雲吞、水餃、腐皮卷……
今晚推介嘅海鮮就係這款蜆， 有大有細啦， 不過勝在無沙同埋食落都好鮮甜！ 所以我哋每人都encore咗食咗一打左右！
至於最好味嘅海鮮我同男朋友都供應時這款白鱔魚!!!基本上我咁鍾意你呢度打邊爐都係為咗佢！
每碟有四小片， 每次我都要食佢起碼5碟先至happy！ 因為呢個鱔魚嘅質素都幾高， 當然同88蚊一碟得六塊嗰啲冇得比， 呢度呢啲算細塊啲， 但係都好新鮮好好食㗎！
海鮮方面呢度啲海蝦都夠曬大隻，而且隻隻都彈牙，唔係肉質腐爛唔爽嗰啲，算好ok!
牛肉方面可以選擇滑牛肉或者的金錢牛展， 可惜在細都咗少少，都幾好食架喇！ 之前有美國肥牛，今次冇咗有啲可惜！
至於蔬菜類都有唔少選擇架！鮮腐竹、芋絲、豆腐、蜂巢豆腐、冬瓜片、白蘿蔔、蕃茄、青瓜片、土豆片、雞髀菇……
如果男仔想食得飽肚啲，可以考慮叫埋韓國拉麵、出前一丁、河源米粉， 有咁多澱粉質選擇就唔使驚夜晚要搵宵夜食啦！
價錢還包括了全場飲品任飲， 而且還有雪糕做甜品， 講真今時今日收百幾蚊嘅放題， 有咁嘅質素真是好難得， 唔怪得之我見到呢度真是keep住有客上嚟幫襯！
張貼
