至尊雲吞麵雞煲

營業中

休息中

今日同朋友黎屯門「搵食」，由於同朋友成日都無點食野，於是就揀左呢間啲人話又平又抵食、仲要任飲任食既「雞煲」。我地入坐，職員就俾咗兩張紙去點要咩款既雞煲。我哋兩人都好苦惱要咩辣好，佢有份bb辣、小辣、中辣及大辣，職員好貼心咁推薦我地揀小辣，因為話中辣都幾辣下。之後上雞煲嚕，職員會講解要等佢煲一陣就可以食得，味道好常入味，啲雞又非常嫩滑，吾會鞋口。再煲多陣，啲汁收左水，煎香左啲雞既表皮，仲香仲入味。雞都差唔多食晒了，我地都叫職員加水打邊爐。我哋都係咩配料都叫下，睇張紙都好多選擇。試左配料，個人覺得最出色係鮮牛肉、肩胛肥牛片、炸饅頭及魷魚，必食！另外，佢啲飲品種類選擇都好多，仲係任飲，非常抵。到賣單每人都係$148，真係超值，值得再回頭光顧。