金御海鮮酒家 (已搬遷) 新店位置

昨天放工, 突然好想打邊爐, 重係要任食嗰種, 唔想諗, 終於行到呢個商場, 有兩間選擇, 一係新光,好似冇乜人同埋唔得開揚, 對住問口的另一間金御, 見佢光光猛猛, 又有幾多枱客, 於是就揀呢間, 入座計限時兩個半鐘.現在有優惠, 價錢$58一位, 加$20茶芥, 湯底另計, 我哋揀咗個番茄薯仔湯$9.8. 每位送海鮮一碟, 內有蟹仔半隻, 珊瑚蚌, 貴妃蚌及,青口及瀨尿蝦各一隻(一人份量), 不過唔係太生鮮.火鍋料選擇好一般, 肥牛,鮮牛, 蝦, 牛栢葉等等, 不過d 蔬菜類又幾生鮮同埋洗得幾企理, 上菜都好快, 五分鐘即到. 原來任飲只係有竹庶水, 豆漿等,唔包啤酒, 要另叫, 藍冰$10三支.食到最後點咗嗰甜品, 椰汁香芋糕, 來到其實係三小件啫哩物體, 有少少芋頭味嘅糕點, 雖然味道好一般, 但打完邊爐, 食嚿凍冰冰的甜糕落口, 感覺又幾舒服.埋單兩位計收$193. 以食物質素來講, 唔係咁值 , 但勝在坐得舒服, 又有大電視睇, 服務都算OK, 不停咁換碟. 如果唔想多諗, 坐低就食, 都合格嘅.