潮福蒸氣石鍋 (已結業)

平時行開都沒有注意到有任食嘅蒸氣石鍋，就係行過見到咁就同家人吃過夠先，雖然係任食，但亦有啲限制，但唔緊要，因為如果單叫以呢個價錢一定唔得，重要係有任飲，所以唔理了！粥底選了瑤柱鮮淮山粥，滋潤燉湯姬崧茸燉螺肉，個湯好清香鮮味，可能係燉湯，而個湯亦有螺肉吃，啲肉都好彈牙爽口！小吃叫了脆皮乳鴿，最緊要係夠新鮮，皮薄香脆，肉質嫩滑香蒜蒸龍蝦半隻，肉質彈牙爽口，味道鮮甜，可能蒸嘅關係，入口時完全感覺到啲肉汁係啲蝦肉內跟住蒸嘅係生猛大元貝，一放到石鍋內不消一會就熟了，夠晒鮮甜，個種彈牙煙韌嘅感覺真係好正！加埋啲蒜蓉同爽口粉絲一流！再來北韓象拔蚌，廚師先切件伴蒜蓉粉絲上，象拔蚌肉質煙韌爽口，帶鮮甜，配埋香蒜粉絲，真係令人食指大開！嘩唔好比佢停，店員即時放上北韓鮮鮑魚，待會打開，熟透嘅鮑魚，超彈牙爽口，加埋上面嘅金針條，真係不錯嘅選擇！之後係貝殼盛盆，一堆不同嘅貝類，一鍋一齊蒸！有貝有螺，真係唔睇少石鍋嘅威力，一陣就將它們蒸熟！我就夾了螺肉吃，肉質彈牙，加埋少少辣醬，突然間好似係避風塘咁！係選擇內嘅最後海鮮當然係蟶子皇，完隻蒸，肉質鮮甜爽口，加少少蒜蓉調味就更加正！雖然以上嘅食物係出一次，但質素不錯！