Running 燒 (已結業)

今次同朋友過咗嚟將軍澳度行街，朋友話好掛住韓國，想食下韓燒，於是就陪咗佢過嚟將軍澳Popcorn商場嘅依間running燒，聽朋友講話好出名，同埋好好食，於是今日過嚟試吓啦，真係推介各位嚟食👅首先一入到黎服務員嘅態度超級好，而且餐廳都好乾淨，加上呢度嘅食物超級高質，嘢食仲好多元化😆呢度嘅韓式燒肉係自己落單，好多種類可以揀，特別推介嘅係依度嘅羊肉同埋牛肉，全部肉質都好鮮嫩，牛肉入口即溶，特別係雪花肥牛，係高質牛嚟㗎💕就算係熟悉嘅種類都好多可以揀，例如有魚蛋、醉雞、同埋老火湯等等，全部都高水準嘅發揮，放題來講食到咁嘅質素真係超級抵😚最後臨走之前梗係要食埋個雪糕啦，依度嘅雪糕係D字頭嘅牌子，老闆好闊綽，食埋個甜品簡直係完美嘅一餐😆👍🏻