宴 尖沙咀

呢間嘅火鍋放題之前已經好想去，朋友去過話好好食，屋企人去過又話好好食，所以今次趁住假期，就去試一試。我同朋友揀咗豪華松餐（每位$582），因為我喜歡食松葉蟹，而佢係日本松葉蟹。鍋係醬油湯同豬骨湯，熱霧傳來陣陣醬香味，令人食慾大開! 豬骨湯，真材實料，有沙參、玉竹、杞子同埋紅棗等，先嚐一口清湯，滋補健康養生。食材方面真係好新鮮，宮崎和牛冇雪味，放落鍋沒有泡浮面，牛肉降雪白，肥美薄切，入口柔軟而綿化，吸收咗濃厚豬骨湯，牛味加倍香濃，牛香在口腔迴盪，油脂豐腴，咀嚼時沁出細膩肉汁，我哋點咗好多轉。最愛嘅松葉蟹亦都點咗好多轉，大隻又新鮮，肥美圓潤，滑不溜口，內裡肉汁鮮甜，綿化口感很吸引，啖啖香稠。野菜拼盤份量都好大份，有娃娃菜、豆腐、金菇、粉絲等等，新鮮抵食。今次真係一試難忘，下次一定再去。