倫哥尚品火鍋私房菜 (已結業)

經過見到尖沙咀火鍋店，任飲任食都只係＄318一位，而且係冇限時，仲有刺身食，我哋六個人一於入去試吓。成個任飲任食套餐已經包左12款食物，首先叫咗我最鍾意食嘅阿嫲雞煲，叫咗一隻雞微辣，雞肉肉質鮮嫩，而且非常香滑，我哋再encore左一煲。飲品方面，有多款韓式罐裝飲品選擇，仲有自家製嘅涼茶添，我都試咗三四款飲品了。同時間兩款前菜、刺身拼盤同埋冬菇炆鮑魚一齊上，真係大贊啲冬菇炆得好琳，食落去煙煙銀銀，滋陰補腎。海鮮拼盤非常新鮮，而且入面有唔同款式嘅海鮮，包括我最鍾意嘅蟶子同埋羔蟹。每款海鮮只需要灼幾分鐘就食得，食落去非常鮮甜，特別係隻蟹，非常多肉啊。火鍋配料包括有牛頸脊、手打雙滑、雲吞水餃、響鈴魚皮同埋有機蔬菜等等，如果食得唔飽仲有得encore添。最後六個人埋單＄3000有找，每人嘅平均消費只係四百幾蚊，就可以食到一餐咁豐富嘅火鍋套餐，仲要係任飲任食，非常抵食。