魚川居 (已搬遷) 新店位置

係網上咁岩見到人講，就口痕去試下，由其個刻好想食酸菜魚，可以打埋邊爐，真係一舉兩得，我揀左最平的套餐，不過都有包海鮮。首先湯底和魚另上，真心想讚下廚房師父可以將普通的生魚片砌到啱啱好，而且一條魚骨魚刺都冇，淥一淥就可以食到香滑又鮮甜的魚肉。牛肉方面都有3款選擇，鍾意肥的瘦的滑的隨你喜歡，另外任拎的配菜要有的基本都有 已經選料都十分不錯，仲有埋我最喜歡係牛骨髓，唔係間間有得食，仲有蝦都十分大隻同鮮甜，不過我個人最欣賞係自家炸的魚皮同枝竹，真係自己本先有的風味。還有送的海鮮盤，肉蟹我以為係成日上，原來已經好細心地斬件，加上湯底淥完後都十分鮮甜，最後少不了的雪糕做結尾，質素真的不錯的火鍋店。