一哥私房菜 (已結業)

愛打邊爐的友人, 帶我地去了個好地方食飯, 那是位於佐敦的一哥私房菜. 這裡與平日火鍋最大分別的地方是設有獨立房間, 可以相約三五知己一邊打邊爐, 一邊傾計, 但又擁有私人空間, 對於我來講, 這是一個吸引之處.另一個吸引之處便是價錢相宜. 以下詳細列出收費. 這裡是任點任食火鍋, 而且食火鍋前, 仲有刺身和雞煲食. 辣度由bb辣到大辣, 任君選擇, 由於我不食得辣, 友人就我選了bb辣.我本身不食生嘢, 所以無食刺身. 雞煲上枱已香聞撲鼻.對於不食得辣的我, bb辣剛剛好, 醬汁夠惹味, 而雞肉也算嫩滑.食完雞煲, 我地就打邊爐, 湯底是鮮茄花甲野菌蟹鍋.也要混醬, 用來點嘢食.打邊爐比較熱氣, 我地點了能清熱氣的飲品, 就是自家制菊花茶.對於我來講, 甜度適中, 又能潤喉.愛食海鮮的我當然最鍾意海鮮拼盤. 材料相當豐富, 當中包括八至十一款的海鮮, 每日的海鮮款式不同, 選取當日最新鮮的款式.我先食了巨型帶子和聖子皇.兩款都好大隻, 又夠鮮甜. 帶子肉質彈牙, 聖子皇肉質爽口. 鮑魚仔帶點咬口, 本身較淡口, 我會點一些醬汁好味些.而生蠔的蠔味也相當濃味.蝦夠新鮮, 幾彈牙.除了海