滾喜火鍋專門店 (已結業)

細佬好鍾意食雞煲，佢話呢間食過好會就帶我地去，無book 位下去到walk in 10分鐘倒就入得，我都覺得我地太好彩，因為真係full 到嚇死人，奉勸想嚟嘅人記得要book! 5個人叫咗兩個鍋一個中辣一個芝士，兩邊都好好食，中辣嗰邊好惹味，芝士嗰邊就夠哂邪惡，每次夾都一絲絲芝士繞住。呢到有樣嘢好，就係佢會不斷幫你refill 雞，我地refill 咗一次BB 辣雞，然後就開始打邊爐，其實都已經開始飽。。。打邊爐反而無啲雞咁好食，真心食雞已經夠哂，啲雞又嫩好細舊無咩骨，易食又唔洗揀骨揀得咁辛苦，邊爐湯底同啲料都麻麻地，真係無必要食，食雞就夠。