川味坊 (東廣場)

營業中

休息中

之前都聽人講，觀塘廣場附近有好多小店，行左一個圈，真係好似美食天堂咁，咩種類都有，自己本身都係重口味既人，見到呢間川味坊好似幾吸引🤗。都幾多人食呢款米線😏，即刻跟住order秘制酸辣豬扒撈米線 $45黎到見到份量唔少🤗，賣相唔錯，不過味道就一般，米線無咩味😅，唔酸又唔辣，可能自己鍾意重口味，所以有啲失望，豬扒就不過不失，煎得比較乾身，反而啲配料花生幾香脆好味。另外叫左肉燥雞扒飯 $47都係大大份，飽肚一流，味道反而比撈米線惹味😋，肉燥偏向瘦肉多，如果有少少肥膏，可以增加油脂香仲正。雞扒就普普通通，無咩特別。可能我食得比較辣同鍾意刺激，所以覺得平平無奇，無咩味道，唔太適合我😬。