影片
更多
2019-12-03
975 瀏覽
日日都經過朱敏記, 但都無入去幫襯, 原因有兩個:1, 我對D貼滿名人幫襯相嘅餐廳有一種強烈中伏感.2, 另一個最大原因係門口只係用一條條透明膠片做門, 怕走哂冷氣唔想食到身水身汗, 所以一直無意慾幫襯.隔離小菜館好三興褶咗, 再前D葉記又唔知點解矛開門營業, 近日跌到得十令度涼浸浸, 睇怕幫襯朱敏記都唔會太熱掛....首先店內原來別有洞天，除咗有個卡啦ok包廂之外，最特別係另一邊有條秘密通去地牢另一個包廂.點咗個鐵板孜然羊肉, 銀魚蝦干蒸勝瓜, 干炒豬頸肉河走芽菜多蔥.優點 :1) 果本 Menu 可以用誇張嚟形容, 記大本又夠厚, 而且印制精美, 當然.... 大大本 Menu 即係提供嘅菜式都特別多.2) 凍0茶居然係用啤酒杯! 有睇頭! 要俾大大大個 like!3) 當日幫襯都9成客滿, 但上菜速度唔慢, 落單后十令分鐘已經上枱.4) 鐵板孜然羊肉口感嫩同juicy, 由其係連住肥肉部份. 由於加咗大量孜然粉, 無咩腥味.5) 蒸勝瓜味道清甜.有待改善 :1) 加翻個風閘唔會噤易走冷氣啦!2) 嘈! 好嘈！前面一大圍枱一大枱客, 旁邊卡啦ok房有人唱得鬼咁難聽唱張學友吻別, 望
1, 我對D貼滿名人幫襯相嘅餐廳有一種強烈中伏感.
2, 另一個最大原因係門口只係用一條條透明膠片做門, 怕走哂冷氣唔想食到身水身汗, 所以一直無意慾幫襯.
隔離小菜館好三興褶咗, 再前D葉記又唔知點解矛開門營業, 近日跌到得十令度涼浸浸, 睇怕幫襯朱敏記都唔會太熱掛....
首先店內原來別有洞天，除咗有個卡啦ok包廂之外，最特別係另一邊有條秘密通去地牢另一個包廂.
點咗個鐵板孜然羊肉, 銀魚蝦干蒸勝瓜, 干炒豬頸肉河走芽菜多蔥.
優點 :
1) 果本 Menu 可以用誇張嚟形容, 記大本又夠厚, 而且印制精美, 當然.... 大大本 Menu 即係提供嘅菜式都特別多.
2) 凍0茶居然係用啤酒杯! 有睇頭! 要俾大大大個 like!
3) 當日幫襯都9成客滿, 但上菜速度唔慢, 落單后十令分鐘已經上枱.
4) 鐵板孜然羊肉口感嫩同juicy, 由其係連住肥肉部份. 由於加咗大量孜然粉, 無咩腥味.
5) 蒸勝瓜味道清甜.
有待改善 :
1) 加翻個風閘唔會噤易走冷氣啦!
2) 嘈! 好嘈！前面一大圍枱一大枱客, 旁邊卡啦ok房有人唱得鬼咁難聽唱張學友吻別, 望住本簡體字 Menu, 再加上一股強勁孜然粉味, 簡直好似身處深圳東門!
3) 好明顯人手不足, 想攞本 Menu 睇睇矛人理, 想落單又矛人理.....
4) 環境頗窄.
5) 雖然 Menu 夠大本, 最緊要好食先得架.... 上面提到, 個鐵板孜然羊肉好好味, 未講完架, 有秘技架, 就係攞杯茶, D羊肉過一過茶, 味道矛噤濃啱啱好! 當然.... 如果你中意孜然粉, 哩個就變成優點啦!
6) 同樣食蒸勝瓜又係有秘技架, 就係將鋪面嘅超咸炸蒜蓉勃開, 噤就清甜喇...
另外, 銀魚干頗硬, 食完胃痛.
7) 喂! 講明走芽菜多蔥, 點解碟炒河粉無變架?
8) 干炒河粉油份過多.
9) 三款菜式都份量不足, 勝瓜用上D未見過嘅幼細品種, 羊肉孜然粉多過羊肉, 個河粉同豬頸肉都少得可憐.....
其實.... 食完係我要唱吻別！
張貼
