泰國佬餐廳 (已結業)

上星期經過大埔墟見到這間泰國佬泰菜好似新開咁，見lunch時間冇咩人，又唔駛排隊，就入去試下，午餐$48送冷/熱飲品，價錢一般，我叫左午餐 蝦醬炒河 份量真係少左啲，平時食泰菜炒河無論邊度食都係一隻平面碟裝滿，佢就用好似高級意大利菜果啲碟裝住河粉，碟就大隻 但得中間少少位可以裝到河粉，所以食完都唔覺得飽另外送飲品，佢話奶茶、咖啡、檸茶之類，咁我問佢奶茶是否泰式奶茶（泰國人開的泰菜館正常都會預期食同飲都係泰式），佢答唔係，所有飲品都是港式，真係有點失望