割烹 櫓杏 (iSQUARE國際廣場)

營業中

休息中

見到有買一第二份半價lunch set優惠，睇啲食評好似唔錯，就同媽咪過嚟試吓。我哋各自嗌咗$298 lunch set，呢個價錢係尖沙咀來講算係中上，咁自然都會有啲期望～點知嚟到。。。兩份lunch set都勁細份，係得碗白飯勁大碗😅 完全唔值個價錢。媽咪叫咗刺身set，啲刺身少到不得了，個擺盤都超普通，雖然質素係唔錯。我叫咗個吉列和牛set，睇相就知道有幾細份😂每片和牛超細件，雖然係入口即溶幾好味，但係份量完全唔飽。我建議餐廳如果想進行促銷，就唔好偷工減料啦，咁樣啲食客食過一次就唔會返轉頭😅我覺得個份量實在太不可思議，所以忍唔住寫咗食評，希望大家引以為鑑。