任你點車仔麵 (已結業)

今日嗌外賣，叫咗四個淨餸，冇要麵。四個餸分別係牛腩、白蘿蔔、肥牛同埋生菜，湯底要腩汁加麻辣小辣。湯底幾夠味，小辣都可以接受，仍然有麻辣味。牛腩：炆得幾稔，唔會好難咬，有時帶少少肥，算好食，又入味。肥牛：同樣唔會好難咬，當然牛尾唔會好耐，但亦都唔會太過肥， OK。白蘿蔔：蘿蔔未至於有清甜味，但冇渣，入味，車仔麵來講算幾好。生菜：生菜係最垃圾嘅，因為要10幾蚊，但係得兩條，真係兩條，搵多條都冇。連肥牛嘅數量都多過生菜，乜而家啲菜咁貴嘅咩？ 10幾蚊兩條菜係咪食水深咗少少？ ？ ？下面呢張圖就係全部菜嘅份量，我冇食過。