影片
更多
2019-03-28
311 瀏覽
舊同學晚餐聚會，聽朋友講呢間幾好食，我就喺OpenRice book咗喇🥳我哋叫嘅嘢食，差唔多每碟都有蝦片。我本身就麻麻地食蝦片，不過都有試咗一塊，佢嘅蝦片偏薄，炸得都幾脆。我哋叫咗半隻海南雞，另外叫咗油飯。海南雞煮嘅時間掌握得幾好，唔會太嚡拾拾，算幾嫩滑。配埋伴碟嘅菠蘿，令到個口唔會咁油膩👍🏻呢間嘢上菜好快，一碟放低冇耐，又上另一碟，可能我哋叫得太多，唔係好夠位放，要食快啲先得😂第二碟上嘅係小食拼盤，個去骨鳳爪好入味，豬頸肉亦都十分好食，夠惹味🤤然後再嚟嘅係串燒拼盤，啲串燒唔會話燒到好dry，都仲有保留到嘢食本身嘅水份，燒雞肉串，同埋燒菠蘿特別好食😋😋到軟殼蟹金邊粉喇，金邊粉幾好食，有正宗泰國食嘅味道，配軟殻蟹都係夾嘅🥰最後嚟嘅係咖哩豬腩肉配手抓餅，手抓餅嘅份量比較少，主要食咖哩豬腩肉，味道中規中矩，豬腩肉配咖哩都夾嘅，但就唔係話太有驚喜🙈我哋食完鹹食，喺9點幾pm左右諗住叫個芒果糯米飯，但就已經賣哂冇得食😢 希望下次嚟可以有得食😊整體嚟講，啲嘢食係好食嘅，可以再encore🥰 環境裝修都好有泰國風味，我今次係坐喺房入面，坐得都算舒服，唔會話坐房入面就冇人理，叫staff嚟落單都唔會
我哋叫嘅嘢食，差唔多每碟都有蝦片。我本身就麻麻地食蝦片，不過都有試咗一塊，佢嘅蝦片偏薄，炸得都幾脆。
我哋叫咗半隻海南雞，另外叫咗油飯。海南雞煮嘅時間掌握得幾好，唔會太嚡拾拾，算幾嫩滑。配埋伴碟嘅菠蘿，令到個口唔會咁油膩👍🏻
半隻海南雞
14 瀏覽
0 讚好
0 留言
呢間嘢上菜好快，一碟放低冇耐，又上另一碟，可能我哋叫得太多，唔係好夠位放，要食快啲先得😂
第二碟上嘅係小食拼盤，個去骨鳳爪好入味，豬頸肉亦都十分好食，夠惹味🤤
小食拼盤
29 瀏覽
0 讚好
0 留言
然後再嚟嘅係串燒拼盤，啲串燒唔會話燒到好dry，都仲有保留到嘢食本身嘅水份，燒雞肉串，同埋燒菠蘿特別好食😋😋
串燒拼盤
23 瀏覽
0 讚好
0 留言
到軟殼蟹金邊粉喇，金邊粉幾好食，有正宗泰國食嘅味道，配軟殻蟹都係夾嘅🥰
軟殼蟹金邊粉
26 瀏覽
0 讚好
0 留言
最後嚟嘅係咖哩豬腩肉配手抓餅，手抓餅嘅份量比較少，主要食咖哩豬腩肉，味道中規中矩，豬腩肉配咖哩都夾嘅，但就唔係話太有驚喜🙈
我哋食完鹹食，喺9點幾pm左右諗住叫個芒果糯米飯，但就已經賣哂冇得食😢 希望下次嚟可以有得食😊
整體嚟講，啲嘢食係好食嘅，可以再encore🥰 環境裝修都好有泰國風味，我今次係坐喺房入面，坐得都算舒服，唔會話坐房入面就冇人理，叫staff嚟落單都唔會太麻煩👏🏻 5個人嚟食，平均每人食咗200蚊都唔夠，CP值算高嘅，飽到好似食完buffet咁😂
張貼
