金滿膳燒味餐室 (已結業)

琴晚放工懶得煮飯，就同老公落樓下食左呢間金滿膳燒味餐廳，又幾抵食喎👍😚我地叫左個金滿膳燻香燒鵝髀河粉同秘製燻蹄河粉，燒鵝髀勁係好多隻，成塊面咁大，個皮燒得好香，食落好香油脂味，又唔會好多肥膏，入面仲要啖啖肉，肉好香肉味，配埋d油脂，真係好正，仲食啖河粉，真個享受😋🤭仲有個燻蹄，整得好滑，燻蹄最怕整到d肉好老，呢個完全唔會，肉質好滑，仲要個皮有d彈彈地，口感好正，味道酸酸地，肉味好香，幾好食，河粉都好好食，湯底清清地，唔怕會搶肉味，配肉食啱啱好👍😋下次再試下其他野食！