影片
更多
2020-06-30
156 瀏覽
S2鐵板燒位於柯士甸站附近，地點比想像中方便，附近就是柯士甸和九龍站的豪宅呢。一坐低，店員便送上花旗參青檸茶，新穎的配搭，青檸味好香！作為前菜，店員推介18層海膽杯（$368），呢個應該幾受歡迎，見到其他好幾台客人都有點呢。賣相好有趣，值得拍照，材料好豐富，面頭有燒白飯魚脆片、黑魚子，北海道紫海膽，再下去有沖繩海葡萄、帆立貝、明太子沙律、牡丹蝦，之後又有海膽，櫻花魷魚、凍磯煮鮑魚、藍鰭吞拿魚拖羅蓉、北海道粒貝、三文魚子、然後又係海膽，北海道松葉蟹肉、底層是鮮海帶碎，可謂一次過滿足你n個願望。A5和牛北海道原隻粒貝套餐$780睇完menu覺得套餐係抵食d，又唔駛諗。時令沙律係鴨胸豆腐沙律，配車厘茄及芝麻醬。三點刺身盛合有三文魚、北寄貝及蝦。都係正常冇乜特別嘅嘢。主菜就開始變得澎湃了，主菜有三款，先來的是法式煎鵝肝配時令水果，鵝肝超大塊，半溶狀，油香重，伴以哈密瓜及酸甜爆珠解油膩。再來北海道原隻粒貝，好大的貝殼！而且份量好大，蟹子青瓜炒粒貝，香味夠，粒貝和青瓜都爽口。再來A5和牛薄燒配水蜜桃爆珠，層層薄牛包著蔥同埋炸蒜片，連埋有廚師嘜頭的多士，是創意菜式。這時來了一盤燒野菜，解解濃厚的肉類
一坐低，店員便送上花旗參青檸茶，新穎的配搭，青檸味好香！
作為前菜，店員推介18層海膽杯（$368），呢個應該幾受歡迎，見到其他好幾台客人都有點呢。賣相好有趣，值得拍照，材料好豐富，面頭有燒白飯魚脆片、黑魚子，北海道紫海膽，再下去有沖繩海葡萄、帆立貝、明太子沙律、牡丹蝦，之後又有海膽，櫻花魷魚、凍磯煮鮑魚、藍鰭吞拿魚拖羅蓉、北海道粒貝、三文魚子、然後又係海膽，北海道松葉蟹肉、底層是鮮海帶碎，可謂一次過滿足你n個願望。
A5和牛北海道原隻粒貝套餐$780
睇完menu覺得套餐係抵食d，又唔駛諗。時令沙律係鴨胸豆腐沙律，配車厘茄及芝麻醬。三點刺身盛合有三文魚、北寄貝及蝦。都係正常冇乜特別嘅嘢。
主菜就開始變得澎湃了，主菜有三款，先來的是法式煎鵝肝配時令水果，鵝肝超大塊，半溶狀，油香重，伴以哈密瓜及酸甜爆珠解油膩。
再來北海道原隻粒貝，好大的貝殼！而且份量好大，蟹子青瓜炒粒貝，香味夠，粒貝和青瓜都爽口。
再來A5和牛薄燒配水蜜桃爆珠，層層薄牛包著蔥同埋炸蒜片，連埋有廚師嘜頭的多士，是創意菜式。
這時來了一盤燒野菜，解解濃厚的肉類帶來的飽足感。
吃完三個有份量的主菜已好飽了，還有S2特色黃金炒飯，材料可選蟹子/三文魚/黑松露/蟹膏/鵝肝/牛肉/煙肉/櫻花蝦，我的是蟹膏，飯粒粒粒分明，細蔥加添了口感，味道偏咸濃味。
然後還有焗雜菌，份量真的好多啊。
吸物有S2特色紙包花膠蜆湯，真的比較少見呢，湯包內有冬菇、鮮味大蜆、秋葵及海帶，是咸鮮味濃的湯品。
最後，精選季節性甜品是急凍泡芙，超超超飽的一餐...! 真係要食兩個半鐘先食得哂啊。
張貼
