金翠餐廳

營業中

休息中

有親友來港旅遊，佢住喺太子，今晚我就帶佢去附近嘅金翠餐廳食晚飯，餐廳裝潢好有懷舊格調，以卡座為主，座位舒適。主打港式懷舊鐵板餐。扒餐奉送牛油餐包、餐湯、甜品。餐湯可選羅宋湯或忌廉湯，忌廉湯口感順滑，餐包軟熟。巨人什扒餐更多送蟹籽雜果沙律。更免費升級轉飲紅豆冰。蟹籽雜果沙律，新鮮爽口。紅豆冰奶味香濃，紅豆亦夠林甜。金翠巨人什扒餐熱辣辣用鐵板上，倒入黑椒汁發出沙沙聲，即時香氣四溢，什扒份量非常足，豬扒、雞扒、牛仔骨肉身略厚，燒煮後咬下去非常軟熟，口感柔軟而多汁，肉味濃厚，還有司華力腸、煙肉、煎蛋非常豐富又惹味。香草煎羊鞍：羊鞍是肋脊部位，脂肪瘦肉比例平均，肉質細嫩，多汁，帶有骨香，放上少許香草調味，再加上黑椒汁已經十分滋味。甜品是懷舊啫喱，加上少許淡奶，味道十分之甜美。