築地日本料理 (金百利廣場)

營業中

休息中

終於可以出遊，太耐冇同陽光玩遊戲，放工去sogo買少少防曬用品做足準備，之後過隔離金百利商場，整棟大廈都是餐廳，最方便覓食。日本菜一向最得我歡心，餐廳位於7樓，地方雖然不太大，但空間感不錯，裝修舒服。餐牌選擇都幾多，刺身、炸物、串燒等等，一應俱全，日式居酒屋風格。牛油果軟殼蟹卷牛油果生熟度適中入口即溶，軟殼蟹餡料亦夠香脆，一脆一嫩，口感非常好，沙律青瓜絲剛好可以中和了炸物的油膩。鹽燒雞中翼外皮燒到金黃香脆，肉質鮮嫩多汁，用上少許鹽調味已經好足夠。芝士玉子燒份量超大份，面頭掃上大阪燒酸汁、木魚絲，中間包住mozzarella cheeses ,一切開呈拉絲狀態，芝士軟滑可口，玉子偏熟所以口感比較結實，但蛋味香濃。金菇牛肉卷牛肉鮮嫩香濃，金菇吸收了牛肉肉汁，味道更加鮮味，而且每件都份量十足，超抵吃。