曼谷泰菜 (已結業)

Halloween夜晚都係無謂出旺角尖咀銅鑼灣迫人，今次揀左沙田巿中心既曼谷泰菜。裝修同菜單泰國風味一般，不過估唔到就喜出望外。今晚唔太肚餓，叫左個平既二人餐，有冬蔭公湯，蝦餅春卷拼盤，咖哩軟殼蟹，魚露炒雜菜，蝦醬飯同埋甜品。份量絕對有交代，全部大大份，甜品同拼盤都做到一人兩舊。冬蔭公湯酸辣適，每人有兩碗度，不過唔食莞茜既朋友可以叫佢唔好落。軟殼蟹估唔到會有咁多件，咖喱汁伴住生菜一齊食一流。魚露炒雜菜普通貨色，蝦醬飯炒得幾乾身同入味，我覺得唔錯。啲食物整體唔錯，係味道會濃左少少，不過服務員態度都唔錯，成日自動加水，沙田巿中心又一唔錯既食店，大家可以一試!!!!!!