金蒂餐廳

營業中

休息中

朋友好介紹！話呢到係食菲律賓餐既！見未食過所以去試下！果然係好介紹！個黃薑飯超好食！呢個飯有好多餸一齊，有雞翼，肉鬆，花生，燒牛肉，豆卜，豆角等，岩晒我呢d鍾意咩都試下既人！所有材料加埋一齊食仲好夾！個口感好特別，有d硬，有d軟。我特別喜歡佢應該炒過黎既咸花生同埋好香口既菲律賓燒牛肉！個牛肉好香，亦好煙韌。雞翼炸過黎，肉質韌左d，但汁都鎖得住個配醬好"希"，少少辣，仲好香椰奶味。70幾蚊仲包椰汁西米露同無限添飲！份量真係超多！