葵涌百得阿姨

營業中

休息中

上次夜晚經過葵廣想食車仔麵，見到呢間百得呀姨就試下啦，三餸車仔麵都係36蚊，唔包野飲，都好抵食。第一次食叫左牛腩，豬腸，腩肉油麵，味道都唔差，而且份量十足。所以第二次再去食，原來下午茶係會包埋野飲，不過店員可能見我地自己飲緊珍珠奶茶，所以冇講到，而我自己又睇唔到。食食下見到原來包野飲，咁我就問佢啦，佢話：你地都飲緊野，唔洗再叫野飲啦。首先，都好多謝佢地鋪頭比客人自己帶外來野飲，但係我覺得原本係餐包埋既，都可以問一下客人。店員比我既感覺係唔想我地叫野飲，其實我兩個人都係買左一杯珍奶姐，所以到最後都叫左杯凍啡。總括黎講，價錢親民，份量多，味道正常。