十三少 (已結業)

朋友話最食酸菜魚，我就帶左佢去十三少，見好多人都叫二人套餐，都幾多嘢食。椒麻皮蛋皮蛋晶凝通透，係溏心，口感彈牙，椒麻味夠。口水雞層次豐富，雞肉嫩滑，煮得剛剛好，加左麻辣紅油味道更上一層樓。十三少酸菜魚因為朋友唔食辣，我地叫左無辣，湯底濃郁，師傅刀工好厲害，片片都薄，肉質嫩滑，當中仲有菇，萵荀，酸菜等，份量好多。紅糖糍粑+28即叫即炸，熱辣辣，外脆內軟，好煙韌，加左紅糖好好味，紅糖甜度適中，唔會過甜。