慶豐茶餐廳

營業中

休息中

好耐好耐冇出過街，啱啱出開旺角做野，所以就同朋友食埋野至返屋企~餐廳環境乾淨，餐具攞嚟既時候用滾水浸住，好貼心我地點咗下午茶餐，包括星洲炒米配熱奶茶（＄42）同埋海南雞湯米粉配熱西洋菜蜜（＄42）。飲品好快就嚟到👍海南雞湯米粉份量比想像中多，特別係碟雞，一d都唔吝嗇，仲要係雞脾肉。雞皮好滑，肉質結實，因為本身去咗骨，所以食落好方便，啱哂我呢個愛雞之人🤪朋友去茶餐廳就必點星洲炒米😆星洲炒米等左一陣，因為係即叫即炒，所以上枱熱辣辣。味道方面，有好香咖喱，但唔會過鹹或過濃，食落夠曬鑊氣！都好足料，米粉唔會過濕或者碎曬，食完好滿足~