十二味麻辣小當家 (已結業)

今日去銅鑼灣行街，順便去食個午餐。去左十二味麻辣小當家食麻辣燙。麻辣燙，已經好耐冇去大陸食過啦。超級期待！原來係要揀至少五樣送先可以叫一碗麻辣燙。叫左少辣，酥肉，豆卜，金錢肚，冬瓜，同蟹柳。哇，好大碗呀！份量多，岩曬我。見到成個麻辣燙都係香料。一上菜就聞到好香。個人覺得，其實叫左小辣，慢慢就會越食越停唔到口，因為小辣會比我感覺嘴有少少麻，跟住就越食越快，幾開胃！好惹味，如果再少油d就完美！不過呢d野食要多油先夠香，所以好矛盾。但理唔到咁多，因為好惹味，所以食得好過癮。食到覺得有少少油，就飲下呢杯茶，fresh之餘又解辣，正！酥肉又幾得意，我幾鐘意個口感，脆脆d，麻辣湯底已經滲入酥肉表層，所以酥肉一入口，麻辣味好正，肉質自己有有陣香味，呢個感覺幾特別。整體黎講算唔錯，下次想食辣會再黎！