影片
更多
2021-11-25
795 瀏覽
朋友話呢間嘢食好抵食，咁就試吓啦！門口非常之懷舊嘅感覺同入面既感覺, ，好似80年代90年代嘅一些冰室嘅感覺，環境係真係比較殘舊。有啲座位就坐得比較寬闊, 四人枱坐兩個人，有啲就坐得比較逼夾。好好彩，我個朋友被安排了一個四人枱。佢嘅選擇唔多，都係一些西式嘅扒類意粉。我見到有一個係吉列豬扒楊州炒飯，非常之夠創意，未見過豬扒係配楊州炒飯嘅組合，再加上都有啲想食吉列豬扒炸東西，於是就叫呢隻，再加一杯紅豆冰。上菜時間非常之快，好像不夠3,4分鐘，就已經齊了所有東西。佢會跟一個紅湯，紅湯方面，呢個係我真係覺得味道唔錯嘅一個羅宋湯，因為佢唔係一啲水狀嘅狀態，而且味道都夠濃嘅，有少少creamy嘅感覺，呢樣嘢我覺得非常之唔錯嘅一個湯！個楊州炒飯同吉列豬扒都比較暖，楊州炒飯就比較有少少乾身同埋硬，因為睇得出佢應該係放涼左一段時間，再加上現場冷氣非常之凍，令到佢更加油。吉列豬扒雖然唔係好熱，但係佢炸得都幾好食，基本上成飯都食晒，再加一啲curry 汁嚟食，都唔錯。炒飯真係麻麻哋，因為凍咗，如果唔係放凍咗，本身佢啲材料都幾多，應該都唔錯。叫咗杯紅豆冰，紅豆冰來講我覺得佢都算做得OK嘅，因為唔係水狀啦，紅豆
門口非常之懷舊嘅感覺同入面既感覺, ，好似80年代90年代嘅一些冰室嘅感覺，環境係真係比較殘舊。有啲座位就坐得比較寬闊, 四人枱坐兩個人，有啲就坐得比較逼夾。好好彩，我個朋友被安排了一個四人枱。
佢嘅選擇唔多，都係一些西式嘅扒類意粉。我見到有一個係吉列豬扒楊州炒飯，非常之夠創意，未見過豬扒係配楊州炒飯嘅組合，再加上都有啲想食吉列豬扒炸東西，於是就叫呢隻，再加一杯紅豆冰。
上菜時間非常之快，好像不夠3,4分鐘，就已經齊了所有東西。
佢會跟一個紅湯，紅湯方面，呢個係我真係覺得味道唔錯嘅一個羅宋湯，因為佢唔係一啲水狀嘅狀態，而且味道都夠濃嘅，有少少creamy嘅感覺，呢樣嘢我覺得非常之唔錯嘅一個湯！
個楊州炒飯同吉列豬扒都比較暖，楊州炒飯就比較有少少乾身同埋硬，因為睇得出佢應該係放涼左一段時間，再加上現場冷氣非常之凍，令到佢更加油。吉列豬扒雖然唔係好熱，但係佢炸得都幾好食，基本上成飯都食晒，再加一啲curry 汁嚟食，都唔錯。炒飯真係麻麻哋，因為凍咗，如果唔係放凍咗，本身佢啲材料都幾多，應該都唔錯。
叫咗杯紅豆冰，紅豆冰來講我覺得佢都算做得OK嘅，因為唔係水狀啦，紅豆冰嘅料都好足，紅豆都補得好淋，係味道可以再多少少濃D 嘅感覺，但係都算唔錯比起好多餐廳嘅紅豆冰。
整體來講，佢個量真係非常非常之多，價錢非常之抵食，有湯、有主食、有紅豆冰，加埋都係$53 ，但係味道方面真係算係普通嘅，而座位亦對於我今日嚟食來講，係坐得比較舒服！
如果好間唔中諗起想食咩嘅話，都可以再試多次呢一間，但係唔會話好想食。
張貼
