潮豐潮洲牛肉店

營業中

休息中

臭渠嘅其中一條食街係大排檔集中地，潮豐係其中一家以潮州打冷為題嘅店舖。氣氛都係長期旺，今次第一次去食，睇吓點解咁受歡迎。大多數人都係嚟食打邊爐，再叫啲潮式拼盤，一路摸住酒杯底吹水，一邊嘆呢啲小食。我同男友就叫咗4款小菜。前菜係煎蠔餅，蠔仔都幾大粒，份量又多，有兩大塊，不過徧油，越食越油。其次上嘅小菜都好大碟，其實兩個人叫兩款餸都可以。叫咗半隻有葱油雞，啲醬汁都幾香。而雞肉都嫩滑，夠實淨。仲有蝦醬通菜牛肉，蝦醬味未夠，食唔到個精粹。牛肉就夠薄無筋，不過整體味道都係中規中矩。最後叫多碟椒鹽豆腐，食打冷點少得椒鹽野。可惜咬一口豆腐，似食咗陣風，有豆味不過入而無乜點食到豆腐，而且椒鹽味唔出，比食豆卜仲要失望。