八一蕃巴蜀烤魚店 (砵蘭街) (已結業)

平時少食魚既我，特別鐘意食烤魚，因為夠重口味，接完女朋友收工，近近地就去太子食烤魚，貪佢夠方便。魚一上台，香氣撲鼻，不過我地唔算食得辣，所以叫左小辣，魚皮烤得好香，好入味，小小脆身，配菜都好多。魚骨算粗，容易整走，魚夠滑，肉又多。仲叫左金菇，因為覺得金菇好索味，所以食辣野一定配金菇，炸魚皮好脆，點一點個汁就可以食而且好重麻辣味。薯粉必試，配上麻辣湯底別有一番風味。蒜泥白肉，蒜夠多，味夠濃，中間仲有青瓜，呢個配搭一流。