The Pantry (已結業)

睇完戲出嚟食晚餐，咁啱呢間係正戲院隔離所以就入咗嚟食。餐廳環境都幾大，座位算闊落，店員好貼心咁同我地介紹食物。呢度用平板落單，可以係平板睇完啲食物圖先叫，都幾方便！今次叫咗軟殼蟹沙律，軟殼蟹熱辣辣炸好，炸漿唔厚，軟殼蟹亦都大隻，配埋沙律菜同埋醬汁好夾，好開胃。雖然好大碗，但係作為前菜都唔會話食完會飽。主菜就係肉眼扒，3成熟，都幾香肉味，另外有蒜蓉黑椒汁配，不過我哋就無用，反而用返鹽調返個原味出嚟。食落肉質唔鞋，仲幾腍添！配埋薯條同沙律菜都好飽呀！明太子海膽意粉，份量都好多，海膽鮮甜，ON TOP 有啲大大粒魚籽，意粉每一條都沾上醬汁，不過略嫌食得多都會有啲滯，應該可以1個主菜一齊share~最後叫咗個朱古力PANCAKE，落單後差唔多要等20分鐘先到，賣相好靚，2個人食呢個真係有啲太飽，不過我個人比較鍾意甜返少少，呢個就唔係好甜。