金泰屋

營業中

休息中

今日落雨濕濕，近近地行去北大嶼山醫院對面既金泰屋食晏。平時嗌外賣就多，午市堂食都係第一次，原來都好多位。以逸東邨食晏時間度度都爆棚黎講，呢度算靜，可能因為落雨🤔。同3個朋友一人嗌左一樣share食。泰式咖哩軟殼蟹 $61咖哩唔太辣，多椰奶，所以少少偏甜，軟殼蟹好足料，一大隻開四👍🏻黃咖喱雜菜飯 $56可能係煮雜菜既關係，個咖哩有少少稀，咖哩都係唔算太辣，菜既份量好多，樣樣都大大舊🤣泰式辣椒濕炒肉片河 $56鐘意食濕炒河就係因為佢多配菜一齊炒，又有菜又有肉😋味道有驚喜，又幾好食，都幾辣泰香葉炒雞柳烏冬$56勁大碟！！雞肉都幾多，味道正常，唔錯總括，味道不過不失，價錢唔貴，份量夠大👍🏻