洪師父牛肉麵

營業中

休息中

東涌各式各樣食肆林立，一個人又唔想茶記，最後行到頂層。原本是想試牛肉麵，但見到餐牌，覺得滷肉鹽酥雞飯又好吸引，所以就叫了這，這個$64。我都再加幾蚊試吓珍珠奶茶。不久，飯送來一看，嘩，都幾大碗。飯面還有椰菜絲、雪菜、蘿蔔片等，有淡淡的，有鹹鹹的，這樣配搭幾好。不過，有點食落唔覺飽，但細心看，有肥肥的滷肉。鹽酥雞不是細細粒的，一舊分兩三口，外脆肉嫩，不會炸得太乾。但食了兩件已飽飽滯滯。個飯食了一半已感飽滿，唔好浪費，繼續努力食。該時候，開始覺得鹽酥雞外皮硬了一點，不鬆化。杯珍珠奶茶的珍珠煙靭非常，很有咬感和彈牙，這質感第一次遇見。最衰就係座位有啲逼，鄰枱說話又勁大聲，所以環境影響了一點。下次要試吓牛肉麵先。