四哥台式雪花冰專門店 (已結業)

去完麵留香食晚餐，再到花街逛一逛，之後再黎食雪花冰。叫了1個share 食。以往喺其他店食，如果一人一個實在太多。不過呢間野，試完就知道一定要一個人叫一個，otherwise唔夠食。要了自選冰。朱古力冰底 + strawberry sauce + 乳酸魔豆 + 手工愛玉 + 三色Q果 ($37)。一送上枱，嘩，點解個"雪山"咁矮嘅？份量又奇少！！！中間的朱古力冰完全壘唔起。畢兩畢就無晒lu~朱古力冰唔夠鬆，冰與冰之間壘得較實，無咗嗰陣入口鬆軟即溶的口感。朱古力味濃，不會太甜。不過就食唔到有strawberry sauce 。相反d配料 (乳酸魔豆 + 手工愛玉 + 三色Q果) 嘅份量就幾多。當食完冰之後都仲有好多剩。手工愛玉無什味道，就是無味的jelly 而已。三色Q果幾彈牙，不過唔太特別。都係乳酸魔豆最好食，一咬即爆，爆出甜甜的乳酸。總括黎講，份量真係太少太少。但價錢又同其他店差唔多喎。服務幾好，好樂意介紹食品。