影片
更多
2011-07-20
171 瀏覽
好耐冇食過港式西餐,一路都心思思想嚟試吓,但往往去到半路就比路上其他餐廳吸咗入去,所以一路都唔成功.直到上個星期終於的起心肝,同我愛人唔理路上面既野花,咬緊牙關,幾經辛苦終於去到目的地.入到去,黑黑地,坐咗1/3人左右啦,招呼人各有年紀大少少既阿叔,中年阿姊,有些少圖案係身既青年人,仲有個後生仔(女)....當然仲有一個類似老細既人係度啦. 點解要刻意提呢啲?呵呵,冇,係個組合有少少怪怪啫,但係不論係阿叔,阿姊,青年人,後生仔(女)都係好招呼架,呢度所謂既好招呼,唔係講晒歡迎光臨,掛一個招牌笑容嗰隻,而係好街坊嗰種. 當然,有人欣賞既就會鍾意,唔欣賞既話唔好.講番正題,入去睇咗一論,是日晚餐唔係太啱,見到一張什扒相,真係勾起好多童年回憶,好,幾大就幾大,叫番個先. 至於我愛人就選咗個咖哩牛肉.咁就唔使兩個都食扒,又可以試吓佢啲咖哩.至於湯就分別選咗一紅一白,都係想試吓佢啲味道啫.等咗唔係好耐,就送咗個湯同面包嚟.面包當然係返叮番,但唔緊要,只要豬油落得夠,返叮都會軟軟熟熟架,再加上我相信佢都係新鮮既,所以加啲牛油送我個紅湯,正呀.個紅湯點正,咁佢就冇哥登堡既水準,但同其他地方比,其實都
入到去,黑黑地,坐咗1/3人左右啦,招呼人各有年紀大少少既阿叔,中年阿姊,有些少圖案係身既青年人,仲有個後生仔(女)....當然仲有一個類似老細既人係度啦. 點解要刻意提呢啲?呵呵,冇,係個組合有少少怪怪啫,但係不論係阿叔,阿姊,青年人,後生仔(女)都係好招呼架,呢度所謂既好招呼,唔係講晒歡迎光臨,掛一個招牌笑容嗰隻,而係好街坊嗰種. 當然,有人欣賞既就會鍾意,唔欣賞既話唔好.
講番正題,入去睇咗一論,是日晚餐唔係太啱,見到一張什扒相,真係勾起好多童年回憶,好,幾大就幾大,叫番個先. 至於我愛人就選咗個咖哩牛肉.咁就唔使兩個都食扒,又可以試吓佢啲咖哩.至於湯就分別選咗一紅一白,都係想試吓佢啲味道啫.
等咗唔係好耐,就送咗個湯同面包嚟.面包當然係返叮番,但唔緊要,只要豬油落得夠,返叮都會軟軟熟熟架,再加上我相信佢都係新鮮既,所以加啲牛油送我個紅湯,正呀.個紅湯點正,咁佢就冇哥登堡既水準,但同其他地方比,其實都已經好接近.佢個白湯都唔錯,唔會開到水汪汪,一啲味都冇.但如果兩種都冇所謂就建議飲紅湯啦.
飲完湯,冇幾耐就送咗個鐵板嚟,嘩,好耐未聽過渣渣聲嗰種聲,塊鐵板燒到好熱呀!!!唔記咗講,我要咗洋蔥汁,非常之唔錯呀.勁似我以前食嗰啲味,呢個汁我細個嗰陣可以送四五碗飯都得呀.睇清楚有啲乜嘢先:牛扒,豬扒,薯格,腸仔,煙肉,火腿,仲有牛脷呀,唔知有冇漏呢,當然仲有跟啲菜啦.總而之就大堆頭,好低食.咁多嘢都係$68.(仲有嘢飲). 當然啦,以上既肉都係加咗食粉,但都唔算重手. 只要你係大胃王就ok架啦.我最鍾意啲薯格放咗係下面,吸咗啲洋蔥汁,好正呀.
至於個咖哩,係香茅味比較重,味道其實都係ok既,但最好就將啲香茅攞出嚟先上就會好好多.牛肉份量又係多.
其實而家好多茶餐廳所提供既食物份量,質素同佢既價錢都已經比3大連鎖快餐唻得平同好食.所以真係可以嚟呢度試吓.
張貼