影片
更多
2010-06-08
22 瀏覽
尋日夜晚返學前真係覺得好肚餓, 咪諗住去美心食番餐勁, 費事上上吓堂個肚怪叫, 嚇親d同學仔就唔好啦. 一心諗住買鐵板餐就一定冇死, 實食得飽, 點知就出事啦.海陸空鐵板餐 (個名聽落去真係好勁咁)海 : 即係炸魚一塊, 炸得都幾脆口而裡面又幾滑, 又夠熱, 但係就冇魚味, 不過明知快餐店一般都只能提供如此貨色, 所以都覺得ok陸 : 即係豬扒一塊. 不得不讚一吓廚房嘅刀功, 切到咁薄都得, 除左 o 嘴, 仲可以點?!空 : 即係雞. 三樣中最過份都係呢樣...佢真係雞?! 個 size仲細過隻白鴿呀...點解佢未足月就劏左佢呀?! 養大D先劏係咪比較好D呀? 不過味道其實係OK, 唔錯嘅. 其他就仲有一串瓜呀, 蕃茄, 青椒咁嘅串燒, 另外再加薯條, OK味道成個餐收費係$44, 價錢同個份量不成正比, 唔知其他美心個餐會唔會大份D呢? 食完之後同個 "飽" 字相距好..遠..呀.... (因為太肚餓個餐一出就淨係食, 所以冇影到相)
海陸空鐵板餐 (個名聽落去真係好勁咁)
海 : 即係炸魚一塊, 炸得都幾脆口而裡面又幾滑, 又夠熱, 但係就冇魚味, 不過明知快餐店一般都只能提供如此貨色, 所以都覺得ok
陸 : 即係豬扒一塊. 不得不讚一吓廚房嘅刀功, 切到咁薄都得, 除左 o 嘴, 仲可以點?!
空 : 即係雞. 三樣中最過份都係呢樣...佢真係雞?! 個 size仲細過隻白鴿呀...點解佢未足月就劏左佢呀?! 養大D先劏係咪比較好D呀? 不過味道其實係OK, 唔錯嘅.
其他就仲有一串瓜呀, 蕃茄, 青椒咁嘅串燒, 另外再加薯條, OK味道
成個餐收費係$44, 價錢同個份量不成正比, 唔知其他美心個餐會唔會大份D呢? 食完之後同個 "飽" 字相距好..遠..呀.... (因為太肚餓個餐一出就淨係食, 所以冇影到相)
張貼