好好運快餐店 (已結業)

呢間沙爹牛已經係荔枝角的名店, 唔需要求多介紹的.位置係半島中心的停車場入面, 去過一次就搵到.中午十二點半去到, 已經要排隊等位  還好我一個人, 加上全場係要搭枱的, 所以等了几分鐘就入得.餐廳的方枱或圓枱都唔算細, 用板卡間了一個人的位出來 夠放一碗面, 一杯飲品, 仲有地方可以放手機, 叫了個沙爹牛米通配炒蛋紅腸.牛肉的份量超多 (應該係其他茶記的一倍份量),  食到底都仲食到牛肉.沙爹汁夠濃, 係濃唔係咸, 食了之後亦唔會太口渴的感覺.炒蛋也叫粉得滑, 唔係變成蛋皮個種.紅腸兩件, 但厚切, 一件可以當兩件, 厚度應該亦係茶記之冠了.招呼正常, 去茶記基本就係要求快靚正,   點了餐之後飲品同麵都好快送到的.但也有要改善的地方 因為餐廳唔算大, 人亦多,  所以冷氣偏凍, 預左你食了就立即走人那種.奶茶的茶底唔得, 好澀, 沒有紅茶的香味及回甘, 比一般的茶記要差.只收現金,  連八達通都無但單以沙爹牛來講, 確實真係好出色的.